ХАТЫҤЧААНЫМ Печать    
С. Дадаскинов тыллара

Хатыҥнар сэгэрбин кууһаары,
Тохтотон уураан ылаары,
Сэбирдэх уостарын сэгэтэн
Тоһуйан тураллар күөгэһэн.

Хос ырыата:

Бэйэтэ хатыҥчаан кэриэтэ,
Чэбдигэ дьылыгыр бэйэтэ,
Хап-хара дьирбии хаастааҕа,
Суугунуу устар суһуоҕа.

Кинилэр сырдыктар, ыраастар,
Түүн сулус таммаҕар сууммуттар.
Ыллыгы сэлэлии үүммүттэр,
Ыллыкка киирээри үмүөртэр.

Хос ырыата.

Ыллыкка түһэн сүүрүктүү
Сардаҥа толбоно күлүмнүүр.
Сэгэрим дьэ иһэр... Долгуйа
Күөх төлөн үөһүгэр кылбайар.

Хос ырыата.

Ол иһэн оргууй тохтоотун,
Сиккиэргэ бигэнэн өр турдун —
Хатыҥ диэн сардаҥа тохтуоҕа,
Хатыҥ диэн маҥан лыах олоруо.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).