САХАМ КЭРЭ КЫРГЫТТАРА Печать    
И.Федосеев тыллара

Сэгэлдьиһэ,
Дьэгэлдьитэ,
Өрө биэрэ,
Үөрэ-дьүөрэ
Үктэнэллэр,
Үҥкүүлүүллэр
Сахам кэрэ кыргыттара —
Сүрэх ууллар аанньаллара.

Дьүрүһүтэр,
Дьиэрэһитэр
Хомус тыаһар
Хоһулаһар,
Ыллан-дьэллэн
Ырыа тардар
Сахам сирин кыргыттара —
Харах сымныыр кустуктара.

Саһарҕаҕа,
Сардаанаҕа,
Сирэм күөххэ,
Сибэккигэ
Майгынныырдыы
Мэлдьи сырдыы
Сахам кэрэ кыргыттара,
Тугун бэрдэй, таҥналлара!

Үөрэх буоллун,
Үлэ буоллун,
Үлүмнэһэр,
Үөрэ түһэр,
Минньигэстик
Мичилиһэр
Сахам кэрэ кыргыттара —
Сарсыҥҥыбыт сарыаллара.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).