ЫҤЫРААР, ЭН МИИГИН, ИНДИГИР Печать    
С. Яковлева тыллара

"Ю" хайа үрдүттэн
Эйигин кууһуохпун,
Сүүрүктээх ууларгар
Умсаахтаан ылыахпын,
Эн ыраас салгыҥҥын
Толору тыыныахпын,
Ыччаккын, дьонноргун
Мин туойа туруохпун:

Хос ырыата:

Индигир эбэккээм,
Ыҥыраар, эн миигин.
Сүрэхпит сүбэтин
Холбооммут туойуохпут!

Кытылгар киирэммин,
Кынаттаах кэриэтэ,
Кырыйа дайыахпын,
Кылыйса көтүөхпүн,
Долгуҥҥар уйдаран,
Дайыта көтүөхпүн,
Дуорааннаах ырыаны
Долгуйа ыллыахпын:

Хос ырыата.

Тус хоту муораҕа
Тутуһан барыахпыт.
Туманы, буурҕаны
Туорааммыт тиийиэхпит,
Эн ыраас салгыҥҥын
Толору тыыныахпын,
Ыччаккын, дьонноргун
Мин туойа туруохпун:

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).