УМНУМА, СЭГЭРИЭМ, УМНУМА Печать    
И. Федоссев тыллара

Үс туман үллүктүү түһүүтэ
Үрэххэ, үөл талах анныгар
Үлэттэп үөмэҥҥин кэлэргин
Умнума, сэгэриэм, умнума.

Сандал саас салаллан кэлиитэ
Саһаҥҥын эн миэхэ дурдаҕа
Сэгэйэ үөрэҥҥин киирэргин
Умнума, сэгэриэм, умнума.

Симэх от сир ахсын ситиитэ
Сиэттиһэн иһэҥҥин аларга
Сибэкки дьөрбөтүн биэрэргин
Умнума, сэгэриэм, умнума.

Күһүҥҥү күөх сирэм кэхтиитэ,
Көҕөн кус кэриэтэ бараргар -
Көрсүөхпүт дуо, ама? - диэбиккин
Умнума, сэгэриэм, умнума.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).