НАРЫЙА КЫЫС Печать    
Иннокентий Васильев - Лэгэнтэй тыллара

Сарсыардааҥҥы хонуу уутун
Таммах сиигин тэбэ тэлэҥҥин
Чэпчэкитик да үктэнэҥҥин
Хаамтыҥ хатыҥ дьүөгэҕэр.
Сибэккилэр сиэттиһэннэр
Сэргээн оргууй сипсиһэллэр
Сылаас, намыын илиигинэн
Таарыйаргар үөрэллэр.

Хос ырыата:

Кыыс оҕо кылааннааҕа,
Сэргэстэспит киис хаастааҕа,
Дьэдьэн-отон уостардааҕа,
Сардааналыы быһыылааҕа
Эн эбиккин, Нарыйа,
Нарыйа…

Дьэҥкир уугар көрүнэҥҥин
Сууна суһуоххун ыспыккар
Ымыы чыычаах ааттыгар
Ырыа ыллаан хоһуйар.
Маҥан лыаҕым кынатыныы
Солко таҥас халадаайы
Сөрүүн тыалым кууһарыгар
Оонньоон оргууй долгуйар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).