МИН МАЙАМ Печать    
Өрүү ахсын бастакым курдук көрөбүн Майабын,
Кинигэ курдук кинини арыйабын,
Таабырын кэриэтэ мин дойдубун таайабын,
Кини тугу кистиирин сатаан таайбаппын,
Айбыттара эйиэхэ ырыаны элбэхтэ,
Аны мин айабын, көҥүллээ, бэлэхтээ
Элбэхтэ умнуллубат күннэрдэ,
Мин санаабар, хомойор өссө эрдэ,
Кэрдэллэр эйиигин, ол эрээри мин Майам,
Билэҕин, дьон кэпсээнэ үксэ сымыйа,
Байа сатаарылар ордук хоттороллор,
Төбөлөрүн кирдээҕинэн толороллор,
Ону ол диэбэккэ иннин эрэ диэки
Уҥа биэрэккэ турар Майам сайын,
Сайдан ис, туругур, өрө таҕыс,
Өскөтүн сыыһабын, бырастыы алҕас...

Бэлэхтээ сылааскыттан, мин арааската,
Сатаан арахсыбаппын эн алааскыттан,
Эн баһаалыста, бэрис сылааскыттан,
Мин Майам, көрдөһөбүн, баһаалыста...

Мин Майам эйиигин аһары да ахтабын,
Сыл ахсын көрөбүн эрээри син биир ахтабын,
Инникигин биэримэ, хайа үрдүттэн түһүмэ,
Сүтүмэ, тумаҥҥа кубулуйума, умнума,
Кэлэр кэскилгин көрүн,
Хаһан да хаамыма кэннин диэки, төттөрү,
Сөптөрү сөбүлээ, сыыһаны кыйдаа,
Ардахтаах Майанан хаамабын, таҥаһым сытыйда,
Арыый да киэһэлик бэһиэлэй тиийэбин
Дьиэбэр, мин Майам таптыыбын эйиигин,
Туох да диирим суох, арай аҕыйах тыл,
Мин Майам, кини уонна тыал,
Ыл миигин илдьэ бар ыраах,
Ыра санаам онно мэнээх таах,
Сэбирдэх кэриэтэ эн уларыйымтыаҥ
Миэхэҕэ бырастыы гыныа барытын...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).