САМНЫМА Печать    
Орто дойду суолтата
Үгүстэргэ туолбата
Ол да буоллар самныма
Истэҕин дуо, самныма!
Кыһалҕата суох олороҕун
Ситэ билэ иликкин олоҕу
Сотору кэм кэлиэ
Хаалыан соҕотоҕун
Оччоҕо эн өйдүөн барыта тоҕотун
Уларытыаххын баҕарыаҥ олоҕун сорҕотун
Ол эрээри бириэмэни эргитээригин самныаҥ
Мин эйиэхэ сүбэлиибин, этэбин, кэпсиибин
Кэмсинэҕин үгүс оҥорбут олоҕун алҕастарыгар
Бириэмэҥ тиийбэтигэр, хомойуох иһин,
Барыларыгар ардыгар наар быстар
Таҥаранан бэриллибит кэрчиктэр кылгастар
Сөпсөһөбүн олохпут өссө тупсуон сөп этэ
Кимиэхэ эрэ тоҕо эрэ тиийбэтэ бириэмэтэ
Этиэм этэ олоҕун миэстэтэ көстүбэт
Төһө да кыһалларын иһин дьолун үксээбэтэ
Элбэх киһи оннук олоҕун түмүктээбитэ
Олохпут оҥоһуута, быһыыта оннук
Дьыл-хонук устар, олох быстар
Аргыстар усталлар куруутун туора
Уора сатаама ураты киһи дьолун
Буолар буоллун, Айыы айбыта туоллун
Олох устун устан ис сүтэримэ суолгун
Бэйэҥ сыалгын былдьатыма былаҕайга
Туох иһин Айыы Таҥара эйигин айбытай
Эн өйдөө, эн өйүҥ мэнээх буолбатах
Туолбатах санааҥ барыта быстах
Ардах түһэр, этиҥ милкийэр
Ким эрэ бириэмэ барыырын сэрэйэр
Эрэйдэрэ өссө эрэйдэнии тэрийэллэр
Эн өйдөө, эйиэхэ кыра бириэмэ бэриллэр
Эргэрэр эрээри олох көбүтэр,
Сыыстарыма, самныма!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).