ТАПТАЛ ТААБЫРЫНА Печать    
Доҕорбун кытары таптал таабырынын таайарга турунабын,
Этэбин эйиэхэ - баарбын,
Эн сүрэҕиҥ кистэлэҥэ миэхэ куруутун таабырын...
Таабырын, таабырын...

Дьон этэр тыла аҕалыа суоҕа куһаҕаны,
Тапталбын харыстыыбын даҕаны,
Өрүүтүн наар, баар куруутун төттөрүнү эрэ тутааһын,
Хайдах гынан өйдөтөбүн?
Сөбүлүүбүн, таптыыбын, ырыабын аныыбын, саныыбын,
Кубулуйабын, айманабын, таабырын
Сүрэҕи эдэр эрдэҕиттэн эрэйдээтэ,
Бириэмэни кээмэйдээтэ,
Саҥаттан саҥа кэпсээни суруйар табыллыбат,
Онтон таптал хайа да манньаҕа атыыламмат,
Абылаҥҥа ылларбыт хаһан эмит син өйдөнүөҕэ,
Соҕотох сүрэҕэ булуоҕа миэстэтин, эн истиий,
Кистээмэ, сипсийиий, сүрэх кэпсээнин,
Сыалбын ситиһиэм, эйиэхэ тапталбын бэрсээри,
Мантан инньэ иккиэн сибэкки кырдалын устун устабыт,
Сырдатыа суолбутун сулуспут...

Доҕорбун кытары таптал таабырынын таайарга турунабын,
Этэбин эйиэхэ - баарбын,
Эн сүрэҕиҥ кистэлэҥэ миэхэ куруутун таабырын...
Таабырын, таабырын...

Эйиигин сыл ааспытын кэннэ көрсүөҕүм диэбитим,
Билбэт этим, атын этим, арай түһүүр этим,
Бириэмэни бараан өйбүн аралдьыта сатыырым кыаҕым баарынан,
Син биир эйиигин саныырым, таабырын
Кутум -сүрүм сүрүн тохтуур кэрдииһэ дии, этиий,
Мин эйиигин таптыыбын дии, истиий,
Эн, мин уйулҕам син биир тардыһар эйиэхэ,
Өскөтүн тэйиэҕэ, оччоҕо дьэ олоччу сүтүөҕэ,
Күөрэйиэҕэ иккистээн, кистээмэ, куттаныма,
Мин харыстыаҕым эйиигин, тэйимэ истиий,
Таптыыбын, көрдөһөбүн, доҕоруом,
Халлааҥҥа сулустарбыт көстүөхтэрэ сотору,
Мин ордоруом мөлүйүөнтэн эн эрэ мөссүөҥҥүн,
Тугу эмэ эттэххинэ эйиэхэ эрэ сөпсөһүөм,
Төһө да тугу даҕаны саҥара сатаатыннар,
Таабырыны батыһан барсыаҕым...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).