ОҔО СААҺЫМ

Анастасия Варламова тыллара

Сүүрбүт-көппүт кырдалларбар,
Лыаҕы туппут хонууларбар,
Сөтүөлээбит көлүччэбэр,
Сөрүүкээбит тыаларбар
Элбэхтик да эргиллэрим
Санаам дала оҥостон.

X о с ы р ы а т а :

Үс мас бүтэй күрүө нөҥүө
Эрбэллээхтээн-сэрбэллээхтээн
Оҕо сааһым одуулуур.

Оҕо сааһым сайылыгар
Түптэ буруо унаарар,
Титииктэргэ саҥа хойдор,
Тиэргэннэргэ ынах мустар,
Бостуук сайдыыр саҥата
Ол ааспыты санатар.

Хос ырыата.

Ыраах тэйэ сылдьаммын
Ыра санаа оҥосторум,
Ахтылҕаммын аһараммын
Ырыа гынан ыллыырым,
Сыыһар-табар күннэрбэр
Хараастар да кэмнэрбэр.

Хос ырыата.