ТУОЙ-ХАЙА

Анастасия Варламова тыллара

Санаабар арахпат мин дойдум барахсан
Туой-Хайа, эн өрүү күндүгүн.
Дууһабын тууйаҕын, хараастан ылабын,
Аймана ахтабын Чуонабын.

Хос ырыата:

Ол онно оҕо саас үөрүүтэ,
Аймахтыы бар дьонум түмсүүтэ.
Тулабар айылҕа тырымныы күлэрэ,
Дьэргэлгэн күлүмэ оонньуура.

Өйдүүгүөн, айылҕа, лоһуор тыа суугунун,
Эгэлгэ отонун, сугунун.
Туой-Хайа эниэтэ сир-симэх кэрэтэ,
Эриэккэс үөр чыычаах ырыата.

Хос ырыата.

Түүлбэр мин өрүүтүн кыракый эбиппин.
Туой-Хайа хаһыҥнаан тураахтыыр.
Көп-маҥан хаар түһэр, хаар быһа сылайа
Куба өр да өр кыланар...