Ырыа кырдала > Ыстатыйалар > Россия Бэчээтин күнүнэн!
Россия Бэчээтин күнүнэн!13 января 2009, 00:13. |
Доҕотторбутун, партнердарбытын Мария Христофорованы, София Булчукейы, Владимир Индигирскэйи, Иван Гаврильевы, Афанасий Гуриновы, Петр Иванову, Мэхээс Сэмэнэби, Айталина Оконешникованы, Ухханы уонна бары суруналыыстары, бэчээт үлэһиттэрин Россия бэчээтин күнүнэн итиитик-истиҥник эҕэрдэлиирбитин көҥүллээҥ! Эһиги баар буолан биһиги ханнык баҕарар информацияны ылар кыахтаахпыт, сонуннары истэбит, көрөбүт, ааҕабыт. Эһиги үлэҕит бириэмэнэн хааччахтаммат, элбэх билиини, олоххо ураты көрүүнү, чиэһинэй буолууну ирдиир. Суруналыыс диэн идэ буолбатах, суруналыыс буолуу - айылҕаттан бэриллэр талаан уонна өй. Баҕарабыт куруук чиэһинэй, объективнай буолууну, бар дьоҥҥутугар куруутун убаастабыллаах сыһыаны, бэриниилээх буолууну. Өйөбүлгүт иһин махтанабыт. Дьоллоох буолуҥ! Ырыа кырдала « Төттөрү |