Далаана бастакы айар киэһэтэ түмүктэннэ
8 июня 2008, 00:24.
Ыҥырыылаах ыалдьыт буолан Далаана бастакы айар киэһэтигэр сылдьан дуоһуйан олоробут.
Бастатан туран, Далаанаҕа уонна Эстрада театрыгар, чуолаан Евгений Тазетдиновка, ыҥырыыларын иһин махталбытын тиэрдэбит. Чахчы да дьоро киэһэ буолла. Далаана бүгүҥҥү киэһэ королевата. Ырыалара, тас көрүҥэ, таҥаһа-саба мааны.
Кэнсиэр туруорааччы режиссера Евгений Охлопков, иилээн-саҕалаан ыытааччыта Һааска Уол – Александр Максимов. Буолбут сирэ Опера уонна Балет театра.
Биһиги 5 чаастаахха сылдьыбыппыт. Кэнсиэри уһуннук күүппэтибит, улахан хойутааһына суох саҕаланна. Кыыспыт үөһэттэн түһэн кэлэн «Нарыйа кыыс» ырыатынан биэчэрин аста. Уонна глобус иһиттэн Голландияттан сакаастаммыт лыахтары көтүттэ. Ол лыахтар киэһэни быһа көтө сылдьан биэчэр эмиэ биир киэргэлэ буоллулар.
2 чаас устата буолбут кэнсиэри олох ыарырҕаппакка биир тыынынан көрдүбүт-иһиттибит. Далаана урукку да, саҥа да ырыаларын барытын ыллаата. Ол курдук, «Тапталга билиниэх», «Бу киэһэҕэ», «Маарынныыр эбиппин», «Аан дойду биһигэ», «Иккиэн», «Саҥа кэм», «Билэбин» диэн бэйэтин ырыаларын, Анна Барашкова «Таптыыбын», Лэгэнтэй «Нарыйа кыыс» ырыаларын толордо.
Эрдэттэн биллэриллибитин курдук коллегаларын эҕэрдэлээн кыттыыны ыллылар Эстрада театрын ырыаһыттара Лэгэнтэй, Ника, Олимпия уонна Ый кыыһа, «North Sound» бөлөх.
Бу ааттаммыттартан ордук астыммыппыт Лэгэнтэй. Уол ситэн-хотон толорор маастарыстыбата лаппа үрдээбит. «Кыргыттарыам» диэн бэртээхэй ырыалаах эбит. Далаана Лэгэнтэйдиин «Кистээбитим» диэн Лэгэнтэй ырыатын толордулар. Ника дьэ бэйэтин куолаһыгар, диапазонугар барсар ырыаны бэркэ толордо. Киниэхэ куолаһын кыаҕын «көрдөрөр» ырыа ордук барсар эбит. Бүгүн сүрдээх табыллан ыллаата - кыахтаах, күүстээх, киэҥ диапазоннаах куолас мааныта.
Олимпия дьигиһитэн «Сиппэтэх санаам» диэн Далаана ырыатын толордо. Сценаҕа суос-соҕотох дьигиһиҥниир соччото суох курдук. Подтанцовка наада курдук көрдүбүт.
Далаана «Тус-туспа» диэн ырыатын Олимпиялыын дуэттаата. Иккиэн илиилэригэр ырыаны быһа эриэн үөннээх ыллаатылар. Онон тугу этээри гыммыттарын соччо өйдөөбөтүбүт
Экзотика эрэ курдук көрүөххэ сөп, ыллыылларыгар мэһэйдиир, ол кэриэтэ подтанцовка кыргыттара эриэн үөннэммиттэрэ буоллар.
Ый кыыһа быйылгы Этигэн Хомуска номинируйдаммыт «Кыыс дууһата» диэн эмиэ Далаана ырыатын бэлэхтээн дьону үөртэ уонна Далааналыын «Кэрэ Куо» диэн саҥа ырыаны толордулар.
Эмиэ биир табыллыбыт ырыанан «Чадх вэ» диэн монголлуу ырыа буолла. Монголлар фонограммаларын хаачыстыбата олох чыҥха атын эбит. Монголия студиялара аатырыахтарын аатыраллар быһыылаах. Наташа бу ырыаны монгол таҥастаах ыллаабыта олус ис-киирбэх этэ.
Уопсайынан, таҥас-сап туһунан туспа кэпсэл. Наташа хас сценаҕа тахсыытын аайы таҥаһа уларыйа сылдьар. Оннооҕор икки ырыа быыһыгар уларыттан тахсар. Эчи таҥас-сап барсара да бэрт, быһыы-таһаа да мааны, олох модель курдук. Эффектнай баҕайытык көстөр. Хас биирдии ырыата спектакль курдук, «Аан дойду биһигэ» ырыаны толороругар таҥаһа бүтүннүү дьиҥнээх сыап, бу ырыанан подтанцовка уолаттарынаан туох эрэ ыартан босхолонууну көрдөрдүлэр.
Подтанцовка туһунан этэр буоллахха, Далаана барыларыттан биир төбөнөн үрдүгэ наһаа харахха быраҕыллар. Аныгыс сырыыга режиссер ону учуоттуон наада.
Бу киэһэ Далаана «Билэбин» ырыатынан Монголияҕа уһуллубут клип сүрэхтэниитэ буолла. Табыллыбыт. Бастакы диискэтэ тахсыбытын иһитиннэрдэ. Дьон балай эмэ атыыласта. Диискэҕэ 19 ырыа киирбит.
Иккискэ хайдаҕын билбэппин, бастакы кэнсиэргэ тыас-уус соччото суох этэ - улаатар-кыччыыр, микрофон тембра куһаҕан, кулиса кэннигэр саҥараллара микрофоҥҥа иһиллэр. АВЕ уолаттара хайдах эрэ дьалаҕайдык үлэлээтилэр. Аны фонограммалар хаачыстыбалара арааһынайдара эмиэ биллэр эбит, ордук монгольскай фонограмманы кытта тэҥнээтэххэ.
Кэнсиэр түмүгүнэн улахан итэҕэс да суох курдук. Ымпыгар-чымпыгар тиийэ толкуйдаабыттар, бэлэмнэммиттэр. Дьоро киэһэ сүрүн киэргэлэ, биллэн турар, биһиги кыыспыт, киэн туттар ырыаһыппыт Далаана!
Бастакы айар киэһэҥ табыллыбытынан эҕэрдэлиибит!
Бастатан туран, Далаанаҕа уонна Эстрада театрыгар, чуолаан Евгений Тазетдиновка, ыҥырыыларын иһин махталбытын тиэрдэбит. Чахчы да дьоро киэһэ буолла. Далаана бүгүҥҥү киэһэ королевата. Ырыалара, тас көрүҥэ, таҥаһа-саба мааны.
Кэнсиэр туруорааччы режиссера Евгений Охлопков, иилээн-саҕалаан ыытааччыта Һааска Уол – Александр Максимов. Буолбут сирэ Опера уонна Балет театра.
Биһиги 5 чаастаахха сылдьыбыппыт. Кэнсиэри уһуннук күүппэтибит, улахан хойутааһына суох саҕаланна. Кыыспыт үөһэттэн түһэн кэлэн «Нарыйа кыыс» ырыатынан биэчэрин аста. Уонна глобус иһиттэн Голландияттан сакаастаммыт лыахтары көтүттэ. Ол лыахтар киэһэни быһа көтө сылдьан биэчэр эмиэ биир киэргэлэ буоллулар.
2 чаас устата буолбут кэнсиэри олох ыарырҕаппакка биир тыынынан көрдүбүт-иһиттибит. Далаана урукку да, саҥа да ырыаларын барытын ыллаата. Ол курдук, «Тапталга билиниэх», «Бу киэһэҕэ», «Маарынныыр эбиппин», «Аан дойду биһигэ», «Иккиэн», «Саҥа кэм», «Билэбин» диэн бэйэтин ырыаларын, Анна Барашкова «Таптыыбын», Лэгэнтэй «Нарыйа кыыс» ырыаларын толордо.
Эрдэттэн биллэриллибитин курдук коллегаларын эҕэрдэлээн кыттыыны ыллылар Эстрада театрын ырыаһыттара Лэгэнтэй, Ника, Олимпия уонна Ый кыыһа, «North Sound» бөлөх.
Бу ааттаммыттартан ордук астыммыппыт Лэгэнтэй. Уол ситэн-хотон толорор маастарыстыбата лаппа үрдээбит. «Кыргыттарыам» диэн бэртээхэй ырыалаах эбит. Далаана Лэгэнтэйдиин «Кистээбитим» диэн Лэгэнтэй ырыатын толордулар. Ника дьэ бэйэтин куолаһыгар, диапазонугар барсар ырыаны бэркэ толордо. Киниэхэ куолаһын кыаҕын «көрдөрөр» ырыа ордук барсар эбит. Бүгүн сүрдээх табыллан ыллаата - кыахтаах, күүстээх, киэҥ диапазоннаах куолас мааныта.
Олимпия дьигиһитэн «Сиппэтэх санаам» диэн Далаана ырыатын толордо. Сценаҕа суос-соҕотох дьигиһиҥниир соччото суох курдук. Подтанцовка наада курдук көрдүбүт.
Далаана «Тус-туспа» диэн ырыатын Олимпиялыын дуэттаата. Иккиэн илиилэригэр ырыаны быһа эриэн үөннээх ыллаатылар. Онон тугу этээри гыммыттарын соччо өйдөөбөтүбүт
Экзотика эрэ курдук көрүөххэ сөп, ыллыылларыгар мэһэйдиир, ол кэриэтэ подтанцовка кыргыттара эриэн үөннэммиттэрэ буоллар.Ый кыыһа быйылгы Этигэн Хомуска номинируйдаммыт «Кыыс дууһата» диэн эмиэ Далаана ырыатын бэлэхтээн дьону үөртэ уонна Далааналыын «Кэрэ Куо» диэн саҥа ырыаны толордулар.
Эмиэ биир табыллыбыт ырыанан «Чадх вэ» диэн монголлуу ырыа буолла. Монголлар фонограммаларын хаачыстыбата олох чыҥха атын эбит. Монголия студиялара аатырыахтарын аатыраллар быһыылаах. Наташа бу ырыаны монгол таҥастаах ыллаабыта олус ис-киирбэх этэ.
Уопсайынан, таҥас-сап туһунан туспа кэпсэл. Наташа хас сценаҕа тахсыытын аайы таҥаһа уларыйа сылдьар. Оннооҕор икки ырыа быыһыгар уларыттан тахсар. Эчи таҥас-сап барсара да бэрт, быһыы-таһаа да мааны, олох модель курдук. Эффектнай баҕайытык көстөр. Хас биирдии ырыата спектакль курдук, «Аан дойду биһигэ» ырыаны толороругар таҥаһа бүтүннүү дьиҥнээх сыап, бу ырыанан подтанцовка уолаттарынаан туох эрэ ыартан босхолонууну көрдөрдүлэр.
Подтанцовка туһунан этэр буоллахха, Далаана барыларыттан биир төбөнөн үрдүгэ наһаа харахха быраҕыллар. Аныгыс сырыыга режиссер ону учуоттуон наада.
Бу киэһэ Далаана «Билэбин» ырыатынан Монголияҕа уһуллубут клип сүрэхтэниитэ буолла. Табыллыбыт. Бастакы диискэтэ тахсыбытын иһитиннэрдэ. Дьон балай эмэ атыыласта. Диискэҕэ 19 ырыа киирбит.
Иккискэ хайдаҕын билбэппин, бастакы кэнсиэргэ тыас-уус соччото суох этэ - улаатар-кыччыыр, микрофон тембра куһаҕан, кулиса кэннигэр саҥараллара микрофоҥҥа иһиллэр. АВЕ уолаттара хайдах эрэ дьалаҕайдык үлэлээтилэр. Аны фонограммалар хаачыстыбалара арааһынайдара эмиэ биллэр эбит, ордук монгольскай фонограмманы кытта тэҥнээтэххэ.
Кэнсиэр түмүгүнэн улахан итэҕэс да суох курдук. Ымпыгар-чымпыгар тиийэ толкуйдаабыттар, бэлэмнэммиттэр. Дьоро киэһэ сүрүн киэргэлэ, биллэн турар, биһиги кыыспыт, киэн туттар ырыаһыппыт Далаана!
Бастакы айар киэһэҥ табыллыбытынан эҕэрдэлиибит!
СИНИЛЬГА
2008 с., бэс ыйын 7 күнэ
Хаартыска "Үргэл - плеяда звезд" саайтыттан ылылынна
« Төттөрү