Анастасия Варламова сырдык кэриэһигэр
23 марта 2008, 01:27.
Бу дьыл кулун тутар 23 күнүгэр Саха Өрөспүүбүлүкэтин норуодунай артыыһа, култуура үтүөлээх үлэһитэ, «Аҕам алааһа» ырыа ааптара Анастасия Николаевна Варламова баара буоллар 60 сааһын туолуохтаах этэ.
Кини айылҕаттан ураты куоластааҕынан биллэр этэ. Хас биирдии ырыатын нөҥүө бэйэтин санаатын дьоҥҥо-сэргэҕэ тиэрдээри кичэйэн бэлэмниирэ. Ол иһин да буолуо кини ырыаларын үгүс киһи чугастык ылынара, билинэрэ.
Анастасия Николаевна Мэҥэ Хаҥалас улууһун Баатара нэһилиэгэр төрөөбүтэ. Кини бастакы «Бэдьимэ» диэн ырыатын 1972 сыллаахха суруйбута. Хас биирдии ырыатын бэйэтин оҕотун курдук биэбэйдиирэ. Чуолаан кимиэхэ эмэ анаабыт ырыалара элбэхтэр. Ол курдук мелодист Валерий Ноевка, спортсмен Дмитрий Коркиҥҥа, Дьокуускай куорат аҕа баһылыгар Илья Михальчукка, фронтовик-буойуттарга уо.д.а. анаабыт ырыалардаах. Ону таһынан оҕо саас, от кэмин, айылҕа кэрэ көстүүлэрин хоһуйар ырыалары сөбүлээн суруйара. Ырыаларын ис хоһооно төһө да араас буоллар, кини ырыаларыгар кэрэҕэ-сырдыкка угуйуу, талаһыы күүһэ баарын бэлиэтиэххэ наада.
Кини киһи киэнэ килбиэннээҕэ этэ – бииргэ үлэлиир коллегаларын, айар-тутар дьону хаһан да биир куһаҕан тылынан саҥарбыта суох, мөлтөх өрүттэрин көрө сатаабат этэ, эдэр ырыаһыттары ийэлии сэмэлиирэ. Мин кини олоххо-дьаһахха бэйэтэ туспа, ураты киэҥ көрүүлээҕин бэлиэтээн этиэм этэ. Мелодист, ырыаһыт, общественнай деятель, учуутал, айылҕаттан талааннаах сырдык, ыраас киһи Анастасия Николаевна Варламова айымньылара, үтүө дьыалалара үйэлэртэн үйэлэргэ ыллана, ааттана туруохтара.
Анастасия Варламова ыараханнык ыалдьан күн сириттэн барбыта номнуо 2 сыла буолла. «Сыымахха, өбүгэлэрим аттыгар кистээриҥ», - диэн кэриэс тылын эппит этэ.
Саха Өрөспүүбүлүкэтин ырыаны айааччыларын сойууһа кулун тутар 23 күнүгэр дьиҥнээх норуот киһитин Анастасия Варламованы үтүө тылынан ахтан-санаан ааһаары Сыымахха бараары сылдьар.
Кини айылҕаттан ураты куоластааҕынан биллэр этэ. Хас биирдии ырыатын нөҥүө бэйэтин санаатын дьоҥҥо-сэргэҕэ тиэрдээри кичэйэн бэлэмниирэ. Ол иһин да буолуо кини ырыаларын үгүс киһи чугастык ылынара, билинэрэ.
Анастасия Николаевна Мэҥэ Хаҥалас улууһун Баатара нэһилиэгэр төрөөбүтэ. Кини бастакы «Бэдьимэ» диэн ырыатын 1972 сыллаахха суруйбута. Хас биирдии ырыатын бэйэтин оҕотун курдук биэбэйдиирэ. Чуолаан кимиэхэ эмэ анаабыт ырыалара элбэхтэр. Ол курдук мелодист Валерий Ноевка, спортсмен Дмитрий Коркиҥҥа, Дьокуускай куорат аҕа баһылыгар Илья Михальчукка, фронтовик-буойуттарга уо.д.а. анаабыт ырыалардаах. Ону таһынан оҕо саас, от кэмин, айылҕа кэрэ көстүүлэрин хоһуйар ырыалары сөбүлээн суруйара. Ырыаларын ис хоһооно төһө да араас буоллар, кини ырыаларыгар кэрэҕэ-сырдыкка угуйуу, талаһыы күүһэ баарын бэлиэтиэххэ наада.
Кини киһи киэнэ килбиэннээҕэ этэ – бииргэ үлэлиир коллегаларын, айар-тутар дьону хаһан да биир куһаҕан тылынан саҥарбыта суох, мөлтөх өрүттэрин көрө сатаабат этэ, эдэр ырыаһыттары ийэлии сэмэлиирэ. Мин кини олоххо-дьаһахха бэйэтэ туспа, ураты киэҥ көрүүлээҕин бэлиэтээн этиэм этэ. Мелодист, ырыаһыт, общественнай деятель, учуутал, айылҕаттан талааннаах сырдык, ыраас киһи Анастасия Николаевна Варламова айымньылара, үтүө дьыалалара үйэлэртэн үйэлэргэ ыллана, ааттана туруохтара.
Анастасия Варламова ыараханнык ыалдьан күн сириттэн барбыта номнуо 2 сыла буолла. «Сыымахха, өбүгэлэрим аттыгар кистээриҥ», - диэн кэриэс тылын эппит этэ.
Саха Өрөспүүбүлүкэтин ырыаны айааччыларын сойууһа кулун тутар 23 күнүгэр дьиҥнээх норуот киһитин Анастасия Варламованы үтүө тылынан ахтан-санаан ааһаары Сыымахха бараары сылдьар.
Владимир ИНДИГИРСКЭЙ,
Саха Өрөспүүбүлүкэтин ырыа айааччыларын сойууһун чилиэнэ
Синильга тылбааһа
« Төттөрү