Чороону күөрэччи тутуоҕуҥ!

(Саха тыйаатырын «Көмүөл» испэктээкилиттэн саҕыллыбыт санаалар)

 

Киһи төрөөбүт дойдутунан, омугун чулуу дьонунан киэн туттар, бэйэтэ эмиэ оннук чыпчаалларга талаһар буоллаҕына – кэлэр кэмэ кэскиллээх, сарсыҥҥыта сырдык буолар. Ол чыпчаалга дьулуһан (аҥаардас аһыыр эрэ туһуттан  буолбатах) киһи үөрэнэр, үөрэнэн ылбыт билиитин туһанан үлэлиир-хамсыыр, дьонугар-сэргэтигэр туох эрэ туһалааҕы оҥорор, айар-тутар.

Оннук буолуохтаах. Оннукка тиийэр инибит, хаһан эрэ…

 
Муусука – кэм-кэрдии эрдиитэ

Муусука диэн улуу кистэлэҥ. Муусука атын эйгэ, дьиктини итэҕэйии (мистика, мистерия, метафизика). Муусука - үһүс харах. Кэнсиэркэ иэйиини туппаккка эрэй буолааччы. Тыас буларга (кэнсиэр иннинэ) барыта үчүгэй буоллаҕына, кэнсиэркэ иэйии тиийбэт (мөлтөх) буолар. Эбэтэр төттөрү. Тоҕо эрэ миэхэ оннук! Үксүн табыллыбаккын. Муусука үчүгэй өттүнэн иирдэр-итирдэр эйгэ. Эдэр эрдэххинэ ылларбыт буоллаххына, кыайан бырахпат эбиккин. Муусука - оспот ыарыы. Иһирдьэ киирии ыарыылааҕыан?! Сылайдым да, хайыамый?! Муусука - олох.

 
"Кэнсиэрбэр барыгытын ыҥырабын..."

Алтынньы 31 күнүгэр Опера уонна балет тыйаатырыгар СӨ үтүөлээх артыыһа Раиса Захарова бар дьонугар “Доҕотторбун кытта дорҕооҥҥо уйдаран” диэн айар кэнсиэрин бэлэхтиэҕэ. Кинини ырыаһыт эрэ буолбакка, хаһаайка, ийэ, эбэ, көннөрү дьахтар быһыытынан билиһиннэриим. Раиса Яковлевна биһикки бүгүҥҥү сэһэргэһиибит онон дьахтар дьолун, үөрүүтүн, кыһалҕатын, санаарҕабылын туһунан буолла.

 

 
Киһи мыыммат ситиһиилэрэ
Эстрада тыйаатыра быйыл хайдах курдук элбэх ситиһиилэммитин туһунан, кырдьык да киэн тута кэпсээтилэр. Саас-сааһынан бардахха, маннык.
 
Дьонноохпут диир дьоммут (Икки кэнсиэртэн саҕыллыбыт санаалар)

Сайын ааста. Сынньалаҥ бүттэ. Кэнсиэрдэр саҕаланнылар. Быйылгы сезону саҕалыыр икки кэнсиэргэ сырыттым. Икки киэн туттар, тумус туттар эдэр дьоммут түһүлгэлэригэр. Туох да диэбит иһин, ким баҕарар дьонноохпун диир дьоно.

 
Үтүөнү үрдүктүк тутуохха

Үтүөнү үксэтэн үгүс сыл хотуулаахтык үлэлээбит, сиэмэх фашизмы садаҕалаһан сэрии уот холоругун курдары ааспыт аарыма кырдьаҕас поэт Степан ТИМОФЕЕВКА «Саха Республикатын народнай поэта» диэн үрдүк ааты иҥэрэргэ ыҥырар суруктары, ыстатыйалары «Кыым» хаһыаттан ааҕан баран, онно бэйэбит санаабытын холбуурбутун биллэрэбит.

 

 
Күн курдук Күннэй кыыс

Күн курдук сып-сырдык, нап-нарын Күннэй кыыс ыллаан эйээриттэҕинэ киһи эрэ иһиттэр-истэн олоруох курдук. Уля Сергучева төһө даҕаны, эдэр буоллар Саха эстрадатын сыанатыгар айбыта-туппута, ыллаабыта-туойбута номнуо 15 сыл буола охсубут. Кини дьиҥэ, мин биир саастыылааҕым, ол иһин даҕаны 15 сыл сыанаҕа үлэлээбитин иһиттэхпинэ, соһуйа да сонньуйа да саныыбын. Сорох саҥардыы эрэ ийэтин дьууппатын анныттан тахсан, бэйэтин суолун-ииһин булуна сатыы сылдьар, оттон кини номнуо туспа суоллаах-иистээх композитор, дьоҥҥо биллэр-көстөр, саха аатын ааттаппыт ырыаһыт. 

 

 
Лэгэнтэй: Көтүү амтанын биллим

Үлүгэр элбэх сонун-нуомас, бары-кэлии, үлэ-хамнас ардыгар сылатар, өйү-санааны улугурдар, нукаай оҥорон кэбиһэр идэлээх. Онуоха абыраатаҕына ырыа, дьүрүлгэн эрэ абырыыр эбит. Туох да омуна суох, өҥүрүк куйааска от охсон куйуһута туран сөп-сөрүүн ымдааны ыймахтаан тыын ылбыкка тэҥнээх. Үлэлиир көмпүүтэрбэр хас эмэ сүүһүнэн ырыа баар. Үксэ урукку. Арай, билиҥҥи кэм биһирэнэр ырыаһыттарыттан Лэгэнтэйи хаһан баҕарар холбоон истиэхпин сөп. Ордук кэлиҥҥи хомуурунньугун.

 
Саха ырыаһыттара - Италияҕа

Италия - вокальнай-опернай ускуустуба кута-сүрэ иитиэхтэнэн тахсыбыт дойдута. Салгына, айылҕата, куората, тыйаатыра, архитектурата, көрөөччүтэ - барыта ураты тыыннаахха дылы... Адьас соторутааҕыта икки ырыаһыппыт Италияҕа Феррара куоракка «Риголетто» операҕа кыттан кэллилэр.


 
 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".