Күн Ыйа - Ый кыыһа
 (голосов: 2)
Ыҥырыылаах ыалдьыт буолан Ый кыыһа «Таптал тыына» диэн төрдүс альбомун сүрэхтиир айар киэһэтигэр сылдьан дуоһуйан олоробут. Кэнсиэр Опера уонна Балет театрыгар буолла, хойутааһына суох саҕаланан үөртэ. Саала толору.
Сцена аныгылыы киэргэтиитэ, режиссёр үлэтэ, тэрээһин таһыма, уот-күөс, таҥас-сап, куруук да буоларын курдук, мааны.
Кэнсиэргэ кыттыыны ыллылар Эдьиий Марыына, Сахамин, Петр Попов (Nord Sound) уонна үҥкүү коллективтара. Биэчэри Ый кыыһа бэйэтэ иилээн-саҕалаан ыытта.
Эдьиий Марыына өссө эдэригэр түспүт курдук, куолаһа өссө тупсубут, күүһүрбүт, улааппыт. Чахчы да, киһини сөхтөрөр киһи smile
Варя наар саҥа ырыаларын толордо. Арай кэнсиэр иккис чааһыгар сөбүлээн истэр ырыаларбытынан попурри толорон үөртэ-көтүттэ. Ону таһынан иккис чааһыгар нуучча, италия, француз, дьоппуон, бэл диэтэр, индия ырыаларын ыллаан кэнсиэрин олус сонурҕатта.
Ый кыыһын айар киэһэтигэр ийэлээх аҕата бочуоттаах ыалдьыт буолан кыыстарын долгуйа көрдүлэр-иһиттилэр. Варя ыал улахан оҕото, соҕотох кыыс эбит, икки бырааттаах. Бүгүҥҥү киэһэҕэ «Ийэлээх аҕа» диэн Варя ырыатын төрөппүттэригэр анаан үһүөн толордулар.
Варя икки оҕо - уоллаах кыыс амарах ийэтэ. 16 саастаах уолунаан Айсенныын «Ийэ алгыһа» диэн Варя ырыатын олус ис-киирбэхтик толорон, биир бэйэбин уйадыттылар. Оттон Варя аны мап-мааны, бэрт сэргэх кыыһынаан Айыыналыын «Кыысчааммар» диэн ырыаны олус истиҥник толорон истээччилэри үөртүлэр.
Биэчэр түмүгүнэн туох эрэ сылаас иэйии, эмиэ да нарын-намчы, эмиэ да олох очурдарыгар оҕустарбакка, ыарахаттартан чаҕыйбакка иннин диэки эрэллээхтик эрдэн иһэр күүстээх санаалаах Ый кыыһыгар дириҥ ытыктабыл үөскээтэ.
Бүгүҥҥү дьоро киэһэ биир бэлиэ түгэнинэн Ый кыыһа саҥа аатын сүрэхтэниитэ буолла. Биһиги Варябыт бүгүҥҥүттэн ыла Күн Ыйа – Ый кыыһа диэн ааттанан олоҕун саҥа кэрчигэ саҕаланнаҕа буолуохтун! Дьоллоох буол!

СИНИЛЬГА
2011 сыл, алтынньы 8 күнэ, Дьокуускай куорат
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (6)
 
aaa   9 октября 2011 16:18
meltex konzert
Сардаана1   12 октября 2011 03:17
Уустук тардыылаах аат
Qwer   14 октября 2011 21:02
Цитата: aaa
meltex konzert

Ким билэр, биһиги 5 -тэн сылдьыбыппыт - заал тобус толору этэ. Аҕыстаахха өссө элбэх киһи кэлбит буолуохтаах. Дьон биһириир буолан сылдьаллар ини.
..............................................................................................................................................................
Маннааҕыбын :)
atas   19 октября 2011 22:30
Мин Ый кыыьын концерыгар эмиэ сылдьыбытым,учугэй концеры корбуппуттэн астынным да, Ый кыыьа куолаьа молтох эбит, корооччугэ кыьалларым бэлиэтии кордум, улэьитэ, айар кыахтаа5а концерын урдук таьымна таьаарар, аныгы кэм ирдэбилинэн стиль, имидж кыайа тутар эбит.
Кун   30 октября 2011 14:23
Маладьыас!
Валюша   22 ноября 2011 11:20
Миэхэ Ый Кыыhа кыттар концера барыта учугэй!!!!)))) корон уорэбин!
alex_yak   17 апреля 2013 21:36
Ый-кыыhа истиц истээчитэбин, ис дуучабыттан махтанабын кини маннык дьицнээх, албына суох талааныгар! бу концерга сылдьыбатахпыттан кэмсинэбин, бастакы икки концерын дуочуйа кербутум, истибитим.
Мэлдьи маннык истиц, нарыц-намчы иэйиилээх ырыалырыц ичин ессе-тегул махтал!

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".