Кэрэ эйгэтигэр сирдиигит
 (голосов: 0)

Кэрэ эйгэтигэр сирдиигитСаха Республикатын культуратын ытыктабыллаах үлэһиттэрэ! Саха Республикатын Правительствотын уонна тус бэйэм ааппыттан идэлээх бырааһынньыккытынан - Культура үлэһиттэрин күнүнэн эҕэрдэлиибин!

Саха Республикатын Правительствотын уонна тус бэйэм ааппыттан идэлээх бырааһынньыккытынан - Культура үлэһиттэрин күнүнэн эҕэрдэлиибин!

Бүгүн Саха Республиката Россия билиниини ылбыт культура кииннэриттэн биирдэстэринэн буолуоҕун буолар. Куораттарга да, саамай кытыы нэһилиэктэргэ да культура улэһиттэрэ тиһигин быспакка ыытар айымньылаах үлэлэринэн республикаҕа культура политиката ситиһиилээхтик олоххо киирэр, общество духуобунай баайа сайдар, хаҥатыллар.

Саха сиригэр норуот айымньыларын фестивалларын уонна национальнай бырааһынньыктарын тэрийэн ыытыы үтүө үгэскэ кубулуйда. Национальнай культуралар, норуот уус-уран оҥоһуктара сөргүтүллэллэр, сайдаллар, духуобунай өттүнэн хардарыта байытыһыыны түстүүр уонна Саха сирин норуоттарын хатыламмат уратыларын саҥа тыынныыр регионнар икки ардыларынааҕы сибээс, омуктар икки ардыларынааҕы сыһыан бөҕөргүүр.

Саха сирин культурата айар талааннаах, бэйэлэрин дьыалаларыгар куттарын туттарбыт энтузиаст дьоҥҥо тирэҕирэр. Культурнай нэһилиэстибэни тыыннаах хаалларыыга, норуот айымньытын сайыннарыыга, республика уус-уран баайын-дуолун байытыыга күннэтэ киллэрэр кылааккыт олохтоохторго кэрэ эйгэтин кытары алтыһыы дьолун бэлэхтиир.

Чуо культура улэһиттэрэ Саха сирин дьонун-сэргэтин кэрэ эйгэтигэр уһуйаллар, ааспыты, билиҥҥини анаарар, сарсыҥҥыны өҥөйөн көрөр кыаҕы биэрэллэр, көлүөнэттэн көлүөнэҕэ хатыламмат билиини-көрүүнү, үгэстэри тиэрдэллэр!

Культура тэтимнээх сайдыыта государство өйөбүлэ суох сатаммат. Ол иһин культура үрдүк квалификациялаах үлэһиттэрин бэлэмнээһин, материальнай базаны бөҕөргөтүү, культура үлэһиттэрин социальнай өттүнэн көмүскэллээх буолууларын боппуруостарын биһиги болҕомтобут киинигэр тутабыт, тутуохпут даҕаны.

Таптыыр дьыалаларыгар муҥура суох бэриниилэрин, төрөөбүт республикалара киэҥник аатырарыгар-сураҕырарыгар кылааттарын иһин культура ветераннарыгар биһиги ураты махталбытын биллэрэбит. Эһиги талааҥҥыт уонна маастарыстыбаҕыт инникитин да биһиги элбэх омуктаах норуоппут истиҥ биһирэбилин ыла туруо диэн бигэтик эрэнэбин.

Культура ытыктабыллаах үлэһиттэрэ уонна ветераннара! Эһиэхэ кытаанах доруобуйаны, уйгуну, айар үлэҕитигэр ситиһиилэри уонна төрөөбүт республикабыт чэчирии сайдарын туһугар сыралаах үлэҕит киэҥ билиниини ыларыгар баҕарабын.

Егор БОРИСОВ, Саха Республикатын Правительствотын Председателэ
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (0)
 

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).