Кинилэр
 (голосов: 0)
Кинилэр өссө Сунтаар педагогическай гиназиятын үөрэннээччилэрэ эрдэхтэриттэн дьоҥҥо-сэргэҕэ биллэн барбыттара. Ордук «Саҥа ырыа - 2009» интерактивнай ырыа күрэһигэр кыайыахтарыттан (иккис миэстэ) киэҥ сыанаҕа тахсар буолбуттара.

Бөлөх 2003 с. тэриллибитэ. Икки сыллааҕыта «Уоланнар» Москваҕа «Зожги свою звезду» күрэскэ кыттан бастакы истиэпэннээх лауреат буолбуттара. Бөлөҕү Сунтаарга аатырбыт «Домисолькалар» уһуйааччылара Мария Семенова дьарыктаабыта. Оттон репертуардара, сүнньүнэн, Сиэн Тиитэп ырыаларыгар олоҕурар. Биэс уол былырыын оскуоланы бүтэрэн, үөрэххэ туттарсан, быйыл бары устудьуон буоллулар. Рома Амонов - СТХГА-ҕа, Ваня Егоров, Коля Степанов, Коля Егоров - ЯГИТИ-га үөрэнэллэр, оттон Коля Андреев сэтинньигэ 18 сааһын туолан аармыйалаабыт. Билигин кини оннугар бөлөх састаабыгар өссө биир уолу көрдүүллэр. Уолаттар бөлөхтөрүн муода эйгэтигэр биллэр-көстөр Нюргуяна Яковлева салайар: - Былырыын «Уолан» бөлөҕү төрүттээбит Мария Сергеевна «Саҥа ырыаҕа» кытталларыгар Дьокуускайга кэлэ сылдьан «уолаттар сценическэй таҥастарыгар көмөлөс» диэн көрдөспүтэ, онтон ыла билсэн бииргэ үлэлээн барбыппыт. Быйыл уолаттар бары устудьуон буоллулар. Салайааччылара дойдутугар хаалан, ыраахтан кыайан салайар кыаҕа суох буолан, саҥа салайааччы көрдөөбүттэрэ. Онон, «Уоланнары» кытары бииргэ үлэлиирбин саҕалаатым. Күн бүгүн саҥа репертуар сакаастаан, хореограф булан, таҥастарын-саптарын уларытан улахан бырайыактарга кыттарбытын саҕалаан эрэбит. Уолаттарым кыра эрдэхтэриттэн бииргэ үөскээбит, бэйэ-бэйэлэригэр үөрэммит буоланнар олус көхтөөхтөр, ханнык да бырайыак буоллун кыбыстан, куттанан турбаттар. Былааммыт элбэх, күүтүҥ, кэтэһиҥ!

- Устудьуоннуур төһө үчүгэйий?

Рома Амонов: Устудьуоннуур диэн аһара үчүгэй эбит. Бииргэ үөрэнэр оҕолорбун кытары 2-3 күн иһигэр билсибитим, кинилэргэ үөрэнним, олус убанным. Бэһиэлэй бөҕө дьон. Үөрэхпэр үчүгэйбин. Биһиэхэ, СТХГА-ҕа, олус элбэх кыыс үөрэнэр. Холобур, биһиги группабытыгар 27-бит, онтон 4-дэ уол, 23-э кыыс.

Ваня Егоров: Дьокуускай олоҕо биһиги кыракый Сунтаарбытыттан олус ураты. Кэлии-барыы, бириэмэни сырсыы. Оскуолаҕа сылдьан үрдүк үөрэх ыарахан баҕайы буолуо дии санаабат этим. Аны туран куоракка харчы наһаа түргэнник баранар. Дьиэбин, дьоммун олус ахтабын, урут улаханнык тэйбэтэх, дьонум көрүүтүттэн-харайыытыттан тахсыбатах оҕо этим. Ол иһин мин устудьуон буолуохпуттан уларыйдым диэххэ сөп.

- Күҥҥэ ортотунан төһө харчыны барыыгытый?

Рома Амонов: күҥҥэ 300 солкуобай буолар быһыылаах, сүрүннээн аска-үөлгэ, бырайыаска баранар.

Коля Степанов: Биһиги, ЯГИТИ-лар, наһаа оннук бараабаппыт, күҥҥэ 150-200 солк. буолар.

- Таҥаска-сапка ханнык истиили ордороҕут?

- Аһара дьыалабыай көстүүмү буолбакка аныгы эдэр ыччат таҥнар классическай таҥаһын талабыт. Биһиги «хопчиктар» буолбатахпыт.

- Бэйэ-бэйэҕитин үчүгэйдик билсэҕит. Доҕордуулары киһи ханнык үтүө хаачыстыбата сомоҕолууруй?

- Саамай эрэллээх, дьиҥнээх доҕор - Коля Степанов. Саамай чиэһинэй, кырдьыксыт, үтүө санаалаах киһибит - Ванябыт. Саамай мэникпит - Рома. Кини наар күлэ-үөрэ сылдьар. Оттон Коля Егоров - саамай өйдөөхпүт, дуоспуруннаахпыт, сүрэх-бэлэс киһи.

- Сүрүн сыалгыт?

- Саха эстрадатыгар өссө үөскүү илик туспа истииллээх уолаттар бөлөхтөрүн таһаарыы, ыллыыр-үҥкүүлүүр дьоҕурбутун күүскэ сайыннарыы.

Светлана ТИМОФЕЕВА

"Хатан" ыччат бастыҥ сурунаала, 2010 с. тохсунньу-олунньу, 1(10) -ттэн





Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (3)
 
НезаБудкА   13 марта 2010 22:06
Уоланнар наьаа аштык баатык туспуттэр дьи ... ;))
ромашка   20 мая 2010 09:15
красавчик вообще не страдаю
Яныкка   10 марта 2011 23:39
Мин олох безума кинилэртэн! love

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".