| Айыы Уола - инбэлиит оҕолор сүрэхтэригэр |
| 14 февраля 2010, 21:52 | Көрдүлэр: 2758 | Ыстатыйалар |  |
 ... Айыы Уолун мэтириэтэ ыйаммыт, киэргэтиллибит сцена. Бу сценаттан кини сүрэхтэн сүппэт ырыаларын көмүс дорҕооно алыптаахтык кутуллар. Маны ситэрэн, баян дьырылас тыаһа дьиэрэйэр.Сэтинньи 18 күнүгэр Инбэлииттэри идэҕэ үөрэтэр уонна доруобуйаларын чөлүгэр түһэрэр республикатааҕы лицей-киин иһинэн ырыаһыт Александр Самсонов - Айыы Уола сырдык кэриэһигэр аналлаах "Айыы Уола - биһиги суолдьут сулуспут" диэн биэчэр буолан ааста. Сыала-соруга диэн, инбэлиит оҕолору инникигэ эрэллээх, күүстээх санаалаах гына иитии. Маннык туспа эйгэлээх киэһэни Ньургуйаана Тихонова идеятынан оҕолор үксүн бэйэлэрэ сүүрэн-көтөн, кыһаллан тэрийбиттэр. Кинилэргэ күүс-көмө буолбут, сүбэ-ама биэрбит тутаах дьонунан лицей музыкальнай салайааччыта, СР культуратын үтүөлээх үлэһитэ, самодеятельнай композитор А.К.Калининскай - Луҥха Өлөксөйө, библиотекарь Р.К. Колодезникова уо.д.а. буолаллар. Бу киэһэ Айыы Уолун ийэтэ М.И.Самсонова кэлбитэ оҕолору ордук долгутта, тэрээһин таһымын үрдэттэ. Марфа Иннокентьевна уолун Саша туһунан үгүһү кэпсээтэ, умнуллубат түгэннэри аҕынна. Кини хайдах курдук тулуурдааҕын, дьулуурдааҕын, олоххо тардыһыыта күүстээҕин бэлиэтээтэ уонна оҕолору эмиэ оннук буоларга туруулаһыҥ диэн ыҥырда. Салгыы оҕолор Айыы Уола репертуарыттан ыллаатылар, хоһоон аахтылар, имигэстик хамсанан үҥкүүлээн да ыллылар. Түмүгэр кыттыбыт оҕолор бары тахсан баян доҕуһуолунан Саша ырыаларынан попурри ыллаан мустубут дьону ордук сэргэхситтилэр. Биэчэр бүтүүтүгэр оҕолор М.И. Самсоноваҕа угуйар сулус оҥостор киһилэрин - Айыы Уолун олоҕун, айар үлэтин туһунан интэриэһиргиир боппуруостарын биэрдилэр, урут билбэтэхтэрин иһиттилэр. Бу тэрээһин уратыта диэн - дьону саататар көннөрү шоу-киэһэ буолбакка, киһини толкуйдатар эйгэни үөскэтиитэ буолар. Ол курдук, туспа мустан Айыы Уолун туһунан ахтан-санаан аастылар, кини хайдах курдук булгуруйбат модун санааларын сөҕө-махтайа кэпсэтистилэр. Оҕолор Александр Самсонов ырыаларын олус чугастык ылыналларын, хас биирдии ырыатын тылыгар-өһүгэр болҕомтолорун ууралларын туһунан эттилэр. Онтон да сиэттэрэн, бу биэчэри тэрийиигэ ис сүрэхтэриттэн ылсан, туох баар кыһамньыларын, сатабылларын ууран туран үлэлэспиттэр. Ол курдук, "Вместе" диэн үөрэнэр кыһаларын иһинэн тахсар хаһыаттарыгар Александр Самсоновка аналлаах бүтүн нүөмэри таһаарбыттар. Онно Айыы Уолун хайдах курдук күндүтүк саныылларын, кинини холобур оҥостоллорун, ырыаларын ис сүрэхтэриттэн таптаан истэллэрин туһунан суруйбуттар. Инникитин оҕолор уонна салайааччылар былааннара киэҥ. Сотору кэминэн буолуохтаах республиканскай конкурска бэлэмнэнэллэрин сэргэ, Айыы Уолун төрөөбүт дойдутугар - Хаҥалас улууһун Улахан-Аан бөһүөлэгэр кэнсиэртии, табылыннаҕына атын да улуустарга баран кэлэр баҕа санаалаахтар. Бу курдук кылгас олоҕор элбэҕи айан-тутан ааспыт Александр Самсонов - Айыы Уолун ырыалара өрүү ыллана, ыччат көмөтүнэн үйэлэнэ турдун. Надежда ОРОСИНА СГУ устудьуона "Эдэр саас" хаһыат саайтыттан |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (0)
.jpg&width=65&height=65?&cropratio=1:1)
.png&width=65&height=65?&cropratio=1:1)
