| Кыталы Куо |
| 3 июня 2009, 07:24 | Көрдүлэр: 18841 | Ыстатыйалар |  |
 Илин эҥэртэн иэҕиллиилээх, Уус-Алдан улууһуттан түөрэх ылыылаах, кылыһах куоластаах, сэмэй бэйэлээх, кэрэчээн Кыталы Куо Саха Сиринээҕи эстрада театрын солистката. Саҥа биллэн-көстөн эрэр, эдэр талааннаах ырыаһыт оҕо сааһыттан балай эмэ элбэх ырыа күрэҕэр кыттыбыт. Ол курдук, оҕо-аймахха тэнийбит «Хотугу сулус» ырыа түһүлгэтин кыттыылааҕа (1999-2001), «Сааскы саҕахтар» (2000), «Хоһооннорум миэннэрэ - ымыыларым, ыраас, сырдык ыраларым» (2000), ону тэҥэ 7-с норуоттар икки ардыларынааҕы «Тымныы оройо» айаҥҥа Дания, Финляндия, Швеция, Норвегия устун саха кылыһахтаах ырыатын-тойугун атыттары кытары аргыстаһан, иһитиннэрэр дьоло тосхойон ыраах сирдэринэн сылдьан кэлбитэ. 2006-2007 сс. «Саҥа ырыа» күрэххэ Л.Каратаева тылларыгар, К.Сидоров матыыбыгар «Итэҕэй» диэн ырыаны толорон үрдүк ситиһиилээхтик кыттыбыта. Эдэр ыччат сылыгар бэрт соторутааҕыта Улан-Удэ куоракка тиийэн, норуоттар икки ардыларыгар ыытыллар «Үрүҥ ый» ырыа күрэҕэр 3-с Лауреат аатын ылан, Сахатын Сирин аатырдан кэллэ. Бу күрэххэ ыраахтан-чугастан элбэх ырыаһыт тоҕуоруспут. Ол курдук, Японияттан, Монголияттан, Казахстантан, Тываттан, Кытайтан уонна да атын отуттан тахса дойду ырыаһыттарын кытары алтыста. Бу күннэргэ Кыталы Куо ыллыыр барылын кэҥэтэн, саҥа айымньылары бэлэмниир. Ону тэҥэ СГУ саха култууратын салаатыгар тыҥааһыннаах күннэрин хайы-үйэ төрдүс сылын атааран эрэр. Михнаса АТЛАСОВА |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (5)
