| Күөрэгэйдиин көрсүһүү |
| 24 марта 2009, 22:37 | Көрдүлэр: 19473 | Ыстатыйалар |  |
 Былырыын Дьокуускайга «Утум – ийэ» диэн кэнсиэр дьон сэҥээриитин ылыан ылбыта, манна ырыа куттаах ийэлэр төрөппүт кыргыттарын кытта киэҥ көрөөччүгэ тахсыбыттара, олус истиҥ көрсүһүү буолбута. Кэнсиэритэрийээччи, көҕүлээччи - 70-80-с сыллардааҕы "Чороон" ансаамбыл солистката Татьяна Сергучева. Оттон быйыл Татьяна Афанасьевна кыыһынаан, талааннаах эдэр композитор ырыаһыт, Ульяна Сергучевалыын — Күннэйдиин кулун тутар 9 күнүгэр "Утум көлүөнэ" диэн эмиэ олус сонун кэнсиэри тэрийдилэр. Суорун Омоллоон аатынан Опера уонна балет театрын саалатыгар, ол күн иккитэ субуруччу барбыт кэнсиэри тэрийдилэр. Суорун Омоллоон аатынан Опера уонна балет театрын саалатыгар, ол күн иккитэ субуруччу барбыт кэнсиэргэ дьон, этэргэ дылы, лыык курдук буолла. Миэстэ тиийбэккэ, сорохтор туран эрэн эмиэ көрдүлэр. Ол курдук бу, алаас сыттаах ахтылҕаҥҥа куустаран, дойдуларын аатын ханна баҕарар дорҕоонноохтук ааттатар, саха уутуйан үөскээбит Чурапчы улууһуттан төрүттээх чулуу ырыаһыт| кыргыттар-дьахталлар кэнсиэртэригэр дьон-сэргэ олус сэргээн кэлбит. Кэнсиэр саҕаланыаҕыттан бүтүөр диэри өрө көтөҕүллүүлээхтик, олох биир тыынынан, ситиһиилээхтик барда. Хас нүөмэр аайы ытыс тыаһа өрө хабылла түһэр. Сэттэ уонус сылларга Чурапчыга курустаал таастыы лынкыныыр ыраас, кэрэ, үрдүк куоластаах  эдэркээн Аграфена Кузьмина дьон кутун туппута. Кинини биир дойдулаахтара "Чурапчы күөрэгэйэ" диэн сүрэхтээбиттэрэ. Олохторх автордар —худуоһунньук, поэт Семен Семенов уонна мелодист Егор Дьяконов киниэхэ анаан суруйбут «Дорообо, күөрэгэй чыычааҕым!" ырыалара уонна "Казахский вальс"... онтон да атын ырыапар Аграфена толоруутугар көрөөччү сүрэҕин ортотунан киирэллэрэ. Кини куолаһа билигин да олус үчүгэй, уларыйбат эбит. Таптыыр ырыаларындьонугар-сэргэтигэр: бэлэхтээн үөртэ. Аграфена Кузьмина билигин Мырылаҕа олорор, улааппыт оҕолордоох, сэттэ сиэннээх, биир хос сиэннээх. "Пенсияҕа олоробун, дьоммор-сэргэбэр дэҥҥэ ыллыыбын", — диир. Бу улахан сценаҕа 30 сыл кэриҥэ буолан баран тахсыбытыттан олус долгуйбут уонна үөрбүт. Кини Татьяна Сергучеваҕа, дойдутун дьиҥнээх патриотугар ис сүрэҕиттэн махтанарын биллэрэр. Оттон Февронья Петровна Филимонова (Готовцева) — 8 оҕо ийэтэ, айылҕа анаабыт кэрэ куолаһынан бу күн эмиэ көрөөччүтүн үөртэ. Кини эстрада артыыһа, биир чаҕылхай сулуһа Анастасия Готовцева ийэтэ.Кыыстаах ийэ "Төрөөбүт алааскын эн таптаа" диэн ырыаны дуэтынан ыллаан, көрөөччүнү дуоһуттулар.  Оттон трио бу дьоро киэһэ эмиэ баар буолла. Ол курдук, Сахасирин киэн туттар ырыаһыттара эдьиийдии-балыстыы Екатерина Егорова, Александра Алексеева күн-күбэй ийэлэриниин Мария Алексеевна Тытыгынаевалыын Наталья Харлампьева тылларыгар, Алексей Егоров мелодиятыгар "Хаар сылааһа" диэн кэрэ ырыаны олус кэрэтик толордулар. Евдокия Соловьева-Попова Галина Шахурдина "Кырдьыбат вальсын" толорон, көрөөччүлэргэ бэлэхтээтэ. Кини кэргэнинээн Афанасий Поповтуун эмиэ «Чорооҥҥо» бииргэ ыллаабыттара, билигин уолаттара: Николай Попов — опера солиһа, Петр Попов — "Норд Саунд" бөлөх солиһа, Афоня —"Тоҕус" бөлөх гитариһа. Чахчы талааннаах дьиэ кэргэн. Ити курдук, таптыыр, сөбүлүүр ырыаһыттарбыт Чыскыырай, Далаана, Ый Кыыһа, Ольга Протопопова-Конкина, "Алиса" бөлөх оҕолоро уонна Татьяна Сергучева сүрэхтэн тахсар туйгун тойуктарынан, ыллам ырыаларынан, кэрэ-чуор куоластарынан бу дьоро киэһэни өссө киэргэттилэр, дириҥ ис хоһоонноотулар. Ырыа-тойук түһүлгэтин Анна Исакова уонна Олег Марков иилээн-саҕалаан ыыппыттара олус сонуннук көһүннэ. Онон, "Утум көлүөнэ" кэнсиэр биһиэхэ чахчы даҕаны умнуллубат кэрэ түгэннэри бэлэхтээтэ. Утум салҕанар. Татьяна МАРКОВА «Саха Сирэ» хаһыат, 2009 с., кулун тутар 19 күнэ, 48№ Виктор Ли-Фу хаартыскаҕа түһэриитэ |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (0)
