Владимир Индигирскэй сулустаах киэһэтэ
 (голосов: 0)
Ыҥырыылаах ыалдьыт буолан Ырыа кырдала доҕорун, түһүлгэбит күүтүүлээх ыалдьытын Владимир Индигирскэй норуокка биллибит «Сулустар» ырыатын 30 сылыгар, журналистика уонна оҕону ырыаҕа уһуйуу эйгэтигэр үлэлээбитэ 15 сылыгар анаммыт айар киэһэтигэр сылдьан дуоһуйан олоробут.

Биэчэр хойутааһына суох саҕаланна. Тэрээһин «буруйдааҕа» Владимир Индигирскэй сценаҕа тахсаатын кытта сэргэхсийэ түстүбүт. Олус ис киирбэхтик саҥаран-иҥэрэн биэчэри саҕалаата. «Саха» көрдөрөр-иһитиннэрэр хампаанньа быһаччы трансляциянан республика дьонугар радионан истэр кыах биэрбитин туһунан иһитиннэрдэ. Онон биэчэр ураты өрүттэрдээх буолла.

Владимир айар киэһэтэ 3 түһүмэҕинэн буолла. Ол да буоллар киһи сылайбат, барыта биир тыынынан ааста.

Владимир бүгүҥҥү Өксөкүлээх культура киинигэр музыкальнай салонун ыалдьыттарын хас биирдиилэрин кытта атах тэпсэн олорон кэпсэппитэ биэчэр эмиэ иккис ураты өрүтүнэн буолла.

Тэрээһин үһүс ураты өрүтүнэн биэчэр кэмигэр бу биэчэри радионан истээччилэр быһаччы эфиргэ телефоннаан Владимирга эҕэрдэ тылларын тириэрдибиттэрэ буолла. Ол курдук, Амматтан, Бүлүүттэн уо.д. атын улуустартан сибээскэ тахса сырыттылар.
 
Бастакы түһүмэх күндү ыалдьыттарынан Николай Петров, Анегина Ильина, Кирилл Герасимов, Анастасия Мухина, Марина Попова, Екатерина, Алексей Егоровтар буоллулар.

Николай Петров салайааччылаах народнай инструменнар оркестра «Табаһыттар үҥкүүлэрэ» диэн композициянан саҕалаата. Бастакы түһүмэх ыалдьыттара ырыаларын бу оркестр доҕүһуолунан толорбуттара музыка ураты эйгэтин үөскэттэ. Ол курдук, оркестр доҕуһуоллаах Анегина Ильина «Таптал букета», Анастасия Мухина «Небо Якутии», Марина Попова «Үчүгэй», «Хайаан да эргиллиэм», Егоровтар «Эйиэхэ мин ырыа бэлэхтиэм» ырыаларын Владимиры эҕэрдэлээн толордулар. Классик ырыаһыттары дьон-сэргэ ахтыбыттыы биир тыынынан көрдө-иһиттэ.

Иккис түһүмэххэ Владимир Индигирскэй ырыаҕа уһуйар оҕолорун көрдүбүт-иһиттибит. Дьокуускай куорат оҕо музыкальнай оскуолатын үөрэнээччилэрэ Аэлита Захарова «Туруйалар», Вануи Григорян армян народнай, Михаил Борисов нанай народнай, Күннэй Кардашевская «Күөрэгэй», Диана Захарова «Үрүҥ туллук эрэ мөлбөстүүр», «Айанньыт ырыата», Павел Игнатьев «Кыталыктар үҥкүүлүүллэр», Сюзанна Парфенова «Күнү олус таптыыбын» ырыаларын публика бэркэ диэн сэргээтэ.

Биэчэр үһүс түһүмэҕэ Владимир айбыт ырыаларыгар ананна уонна, биллэн турар, «Сулустар» ырыанан саҕаланна. Бу ырыаны Нина Чигирева толоруутугар иһиттибит. Александр Самсонов Николай Чуор тылларыгар «Олоҥхолоох Сахам Сирэ», Анатолий Бурнашев Пантелеймон Тулааһынап тылларыгар «Мин баҕарабын», Елизавета Романова Саргылаана Гольдерова тылларыгар «Быраһаай», Людмила Ильяхова Александра Христофорова тылларыгар «Күүтэр-ахтар күндү дьонум», Республиканскай балыыһа ансаамбыла «Ыра санаам» ырыаларынан дьон биһирэбилин ылыахтарын ыллылар.

Уонна бу түһүмэх сүрүн киэргэлинэн Владимир Индигирскэй бэйэтин ырыаларын олус диэн ис-киирбэхтик, ис сүрэҕиттэн ыллаабыта буолла. Ол курдук, Григорий Дохунаев тылларыгар «Абый», Степан Дадаскинов тылларыгар «Ийээ сыллаан ылыым дуу?» ырыаларын долгуйа, дуоһуйа иһиттибит. Бэйэтин айар киэһэтин Владимир Уххан тылларыгар «Эдэр саас барыма» диэн тэтимнээх ырыатынан түмүктээтэ.
 
Биэчэр тухары светодиоднай экраҥҥа хас биирдии ырыа ис хоһоонугар дьүөрэлээн сөптөөх хаартыскалар таҥыллыбыттар. Бу биллэн турар бары да билэр уолбут видео-инженер Яков Александров – Бэрт Дьикти үлэтэ.
 
Дьэ, бу курдук кэмэ суох сулус ыалдьыттардаах, араас ураты өрүттэрдээх, аныгы технологияны туттуулаах, ураты быһыыга-майгыга буолбут Владимир дьоро киэһэтэ түмүктэннэ. Түмүгэр культура, үөрэх министерстволара, Дьокуускай куорат дьаһалтата, Владимир коллегалара, биир дойдулаахтара, араас тэрилтэлэр, доҕоттор-атастар элбэх эҕэрдэ тылларын эттилэр.
 
Арай мин бүтэһигэр дылы Владимир «Сулустарын» бэйэтэ толорорун күүппүтүм туолбата. Тоҕо эрэ «Сулустар» ырыатынан түмүктүө дии саныы олорбутум. Ол да буоллар Владимир үгүс өрүттээх айар үлэтин билиһиннэрэр киэһэтэ табылынна!
 
Владимир Индигирскэйи айар үлэҥ үрдүктүк сыаналаммытынан, дьон-сэргэ таптала, махтала, билиниитэ уостубатынан итиитик-истиҥник эҕэрдэлиибит!
 
Халлааҥҥа кэмэ суох сулустар кыламныы умайа турдуннар.
 
СИНИЛЬГА
 
2009 с., олунньу 19 күнэ, Дьокуускай к.
 
Мам хаартыскаҕа түһэриитэ 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (7)
 
indigirskii   24 февраля 2009 12:33
Спасибо, Синильга! Так приятно читать о своём вечере!
мам   24 февраля 2009 19:00
Владимир Индигирский! Вам огромное спасибо, за очень оригинальный, живой, эмоциональный концерт!

Извиняюсь за такие фотографии :-)) вы все время были в движении, на "пользователя" как я, вас не поймать :-)
Синильга   25 февраля 2009 22:35
Владимир, а кто-нибудь фотографировал ваш вечер? Требуем фотографии в галерею:-)
indigirskii   2 марта 2009 23:07
Конечно, уйма фотографий, которые сняли профессионалы! Да, как-то неудобно, отправлять фото своего авторского вечера. Но, кое-какие посмотрю. выберу и отправлю!
indigirskii   2 марта 2009 23:09
Цитата: мам
Владимир Индигирский! Вам огромное спасибо, за очень оригинальный, живой, эмоциональный концерт!

Извиняюсь за такие фотографии :-)) вы все время были в движении, на "пользователя" как я, вас не поймать :-)

ЛИЧНО ДЛЯ МАМ!
Спасибо, уважаемая МАМ! Я Вас не знаю, но чувствую, что вы очень хороший человек с тонкой душой! Низкий вам поклон!
Синильга   3 марта 2009 11:50
Цитата: indigir
Конечно, уйма фотографий, которые сняли профессионалы! Да, как-то неудобно, отправлять фото своего авторского вечера. Но, кое-какие посмотрю. выберу и отправлю!


Ничего неудобного не вижу. Прошу разместить фотографии с вашего вечера. Думаю, посетители сайта будут рады видеть фото золотых гостей музыкального салона
сюзанна   3 апреля 2009 16:17
А я тоже выступала на этом вечере.Спасибо Владимиру Петровичу!

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).