Саҥа дьылынан!
 (голосов: 0)

2008 сылы махтанан туран атаардыбыт. Ааспыт сыл саайпыт үлэтигэр элбэх ситиһиини аҕалла.
 
Ол курдук, саайпыт тэриллибитэ 1 сылын элбэх ситиһиилээх көрсүбүппүт – чахчы туһалаах саҥа разделлары аспыппыт.
 
Саайпытын Москваҕа информационнай технологиялар федеральнай агентстволарыгар регистрациялаабыппытын бигэргэтэр докумуон ылбыппыт.
 
Биир саамай киэҥник биллибит ситиһиибитинэн республикаҕа аан бастакынан интернет нөҥүө ырыа күрэҕин тэрийэн ыыппыппыт буолар. Куруук ыкса үлэлэһэр, эрэллээх партнерданныбыт. Инникитин да ол ситиммит быстыбата буоллар диэн баҕа санаалаахпыт.
 
Саайпытын кэҥэтинэммит иккис саайтанныбыт. Саҥа саайпыт эмиэ ырыаҕа, музыкаҕа аналлаах – сахалыы ырыалар видеоклиптарын уонна да атын файллары ким баҕалаах киллэрэр кыахтанна.
 
Саайпыт саха тыллаах сөбүлээн сылдьар сирэ буолла диир кыахтанныбыт - саайпыт статистиката көрдөрөрүнэн сылдьар киһи ахсаана эбиллэ турар. Ол аата саха ырыатын туһанаргытыгар Ырыа кырдала көмөлөһөр, түһүлгэбит эһиги оллоонноон олорон ирэ-хоро кэпсэтэр, билсэр сиргит буолбут диэн түмүк оҥостобут уонна салгыы саайпыт үлэтин өссө тупсарарга, сайыннарарга дьулуһуохпут диэн эрэннэрэбит.
 
Эһиэхэ ыллыктаах санааҕыт, эйэҕэс сүбэҕит, итэҕэлгит, өйөөһүҥҥүт, өйдөөһүҥҥүт иһин барҕа махталбытын тиэрдэбит.
 
Саайпыт ырыата элбээтин, түһүлгэбит куруутун дьону түмэ, сомоҕолуу, көҕүлүү турдун!
 
Эһиги олоххутугар үтүө, үөрүү-көтүү, дьол-соргу, таптал уонна ырыа эрэ эҥэрдэстин!
 
Оҕус сылыгар бары үлэлээн-хамсаан кыахтаах дьон буолуоххайыҥ.
 
Бука бары дьоллоох буолуҥ!

 
Эҕэрдэни кытта,
Синильга уонна Qwer

2009 сыл, тохсунньу 1 күнэ
Дьоллоох Дьокуускай куорат



Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (2)
 
Кристина-Куорэгэй   5 января 2009 11:50
Барыгытын О5ус сылынан э5эрдэ буолуохтун!Уонна Далаана корор буоллаххына Хаьан Кэбээйи улуу4угар МУКУЧУ бо4уолэгэр ха4ан кэлэ5ин би4иги бары эйиигин куутэбит!!!
Настя-Сунтаар   9 января 2009 22:39
Эьигини эмиэ Саца дьыл, Саца сыл кэлбитинэн итиитик-истицник э5эрдэлиибин! Бу сылга туохтан да ицнибэккэ о5ус курдук кербутунэн иннигит диэки баран иьиц... Уонна уьуну этэ барбакка, доруобуйаны, дьолу-саргыны, тапталы ба5арабын. Ити ааттаталаабытым эьиэхэ баар буолла5ына барыта o'key буолуо5а!

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".