"Саҥа ырыа": куоластааһын бу тиийэн кэллэ
 (голосов: 0)
 
 
"Саҥа ырыа" быйыл уларыйбыт. Сыана көстүүтэ солун, кыттааччылар нүөмэрдэрин чочуйа сатаабыттар. Телеверсияны Опера уонна балет театрыгар уһуллулар. Үгүс кыттааччыларга көмө күүһүнэн былырыыҥҥы уолаттар - Эстрада государственнай театрын шоу-балетын үҥкүүһүттэрэ буолла. Кинилэр подтанцовка быһыытынан ырыаһыт көрөөччүгэ дьайыытыгар көмөлөстүлэр. Билигин концерка уһуллубут матырыйаалы телевизорга көстөр гына чочуйуу, монтажтааһын үлэтэ бара турар.
 
Быйылгы V-с "Саҥа ырыа" туһунан телебырайыак салайааччыта, "Саҥа ырыа" телеверсиятын режиссера Петр Пестряков "Эдэр саас" ааҕааччыларыгар сэһэргиир.
 
Сайдыы хаамыыта.
 
— Аан маҥнай саҕалыырбытыгар дьон истэн-көрөн билэр ырыаһыттарын бэйэбит ыҥыран кытыннарбыппыт. Ол кэнниттэн кэлэр "Саҥа ырыаларга" кыттааччылары кастинг нөҥүө талбыппыт. Олох көрдөрөрүнэн, киэҥ сценаҕа тахсыан баҕалаах, ордук эдэр дьон ортотугар, үгүс.
Онтон былырыыҥҥыттан ыла конкурсу икки тылынан ыытарга быһаарбыппыт: сахалыы, нууччалыы. Былырыын тоҕо нууччалыы ырыа аҕыйах (аҕыс ырыа) этэй? Тоҕо диэтэххэ, кастины хойутаан биллэрбиппит уонна нууччалыы тыллаах ырыаһыттарбыт "Саҥа ырыа" конкурс туһунан сиһилии билбэт этилэр. Быйыл төрүт атын хартыына. Кастиҥҥа сүүсчэкэ сайаапка киирбититтэн 15 сахалыы, 15 нууччалыы ырыаны таллыбыт. Манан сиэттэрэн, ыытааччыларбыт эмиэ төрдүөлэстилэр.
 
"Саҥа ырыа" — трамплин.
 
— Балаһыанньа быһыытынан, сааһыттан тутулуга суох ким барыта кыттар. Дьоҥҥо номнуо биллэр ырыаһыт буоллун, саҥа саҕалааччы буоллун. Биһиги конкурспутугар ырыа саҥата эрэ ирдэнэр. Бу конкурс бэйэлэрин суолларын-иистэрин саҥа саҕалаан эрэр талааннарга күүстээх трамплин буолар. Тоҕо диэтэххэ, икки ый устата көрөөччүлэр күн аайы көрөн кыттааччылары билэр буолаллар. "Саҥа ырыаҕа" старт кэнниттэн "сыанаттан түһэрэ-түспэтэ" ырыаһыттан бэйэтиттэн, кини төһө үлэһититтэн тутулуктаах буолар. Сорох ардыгар "Саҥа ырыа" урут ыллыы сылдьан баран сүтэ сылдьыбыт артыыстарга эмиэ саҥа кыаҕы биэрэр. Биһиги онон киэн туттабыт.
 
Куоластааһын.
 
— "Саҥа ырыаны" дьон көрөрө, интэриэһиргиирэ куоластааһын көхтөөхтүк барарыттан көстөр. Кинилэр сүрэхтэринэн эрэ буолбакка, хармааннарынан эмиэ куоластыыллар. Дьон үксэ ГТС-нан эрийэр (111511). Сорохтор ыйытааччылар: "Биир телефонтан хаста эрийиэххэ сөбүй?", "Биир нүөмэртэн биирдэ эрэ куоластыахха наада, чиэһинэйэ суох буолсу" диэччилэр бааллар. Дьиҥинэн, оннук оҥоруохха сөп. Ол гынан баран, холобур, биир дьиэ кэргэҥҥэ биэс киһи баар. Сөбүлүүр ырыаһыттара тус-туспа. Итини учуоттаан туран, биир телефонтан элбэх куолаһы ылар гына быһаарбыппыт.
Онтон ким ордук харчылаах 4303 нүөмэргэ СМС ыытан куоластыыр (17 солк., ГТС - 10 солк.). Дьон СМС суруйарга өссө да үөрэнэ илик быһыылаах. Сыыһа ыытааччылар үгүстэр, ол түмүгэр биһиэхэ ыыппыт куоластара тиийбэт, харчылара син биир баранар. Иллэрээ сыллааҕы көрдөрүүнэн уопсайа 98 тыһыынча куолас киирбитэ. 95 тыһыынча - ГТС-тан, үс тыґыынча — СМС-тан.
Өссө: "Кыайыылааҕы быһаарарга тоҕо хамыыһыйа оҥорбоккутуй?" -- диэччилэр эмиэ бааллар. Биһиги бырайыакпыт, бастатан туран, интерактивнай конкурс, шоу. Биһиги жюрибыт - телевизорынан көрөөччүлэр. Биэс сыл тухары ону тутуһан кэллибит. Сорохтор "Саҥа ырыаны" "Этигэн Хомуһу" кытта тэҥнииллэр. Дьиҥэр, бу икки төрүт тус-туспа конкурстар. "Этигэн Хомуска" улахан артыыстарбыт түмсэн хамыыһыйа тэрийэн, ааттаах-суоллаах артыыстары сыаналыыллар. Биһиги үксүн саҥа саҕалааччылары кытта үлэлэһэбит.
 
Кастины ааһыы.
 
— Үрдүк үөрэххэ туттарсыы курдук. Биир миэстэҕэ 3,5 киһи. Урут сүүмэрдээһини "Сахацирка" дьиэтигэр, СГУ Культурнай киинигэр ыытар этибит. Онно көрөөччүнү эмиэ киллэрэр, кини билиэтигэр баар купонунан куоластыыр этэ. Биһиги сүүмэрдээһиҥҥэ дьон санаатын учуоттуурбут. Ырытан көрдөххө, жюри санаата куоластааччы санаатын кытта сөп түбэһэр этэ.
Быйыл тоҕо "сабыылаах кастинг" оҥордубутуй? Хаһааҥҥытааҕар даҕаны үгүс кыттааччы кэлбитэ. Сарсыарда 11.00 чаастан киэһэ 19.00 чааска диэри сүүмэрдээбиппит. Маннык элбэх ырыаны тулуйан биир да көрөөччү истиэ суоҕа этэ. Ол иһин бэйэбит үлэлээн таллыбыт.
 
Үбүлүөйдээх "Саҥа ырыа"
 
— "Саҥа ырыа" интерактивнай конкурс телеверсиятын ахсынньы 1 күнүттэн тохсунньу 23 күнүгэр диэри аҕыс нэдиэлэ устата эфиргэ таһаарыахпыт. Телеверсия күҥҥэ иккитэ көстүөҕэ: "СаІҥ ырыа" уонна "Саҥа ырыа: русская версия" диэн. Ол аата былырыын 48 эфир эбит буоллаҕына, быйыл - 96 буолуоҕа. Быыһыгар, биир нэдиэлэ устата кыттааччылар бэйэлэрэ сөбүлээн талан, урукку хит буолбут ырыалары толорбуттара көстүөҕэ. Көрөөччүлэр ырыаһыттарын атын өттүттэн билиэхтэрэ. Бу -- "Саҥа ырыа" саҥа киллэриитэ.
Ахсынньы ыйга кыттааччылар улуустарынан гастролга турунуохтара. Илин эҥэртэн саҕалаан Бүлүү бөлөххө диэри тиийиэхтэрэ. Юбилейнай гала-концерт олунньу ыйга буолуоҕа. Улахан үлэ бара турар. Урукку номинацияларбытыгар эбии номинациялары киллэриэхпит. Эмиэ былырыыҥҥы курдук сахалыы, нууччалыы ырыаҕа тус-туспа кыайыылаахтар тахсыахтара. Биллэн турар, барытын кэпсээбэппин. Ол эрээри сюрпризтар баар буолуохтара. Ааспыт "ырыалар" кыайыылаахтарын гала-концерка ыҥырыахпыт. Ыллыылларын-ыллаабаттарын бэйэлэрэ быһаарыахтара.
 
Ыытааччылар стиллэрэ.
 
Былырыын ыытааччылар Макстаах Гея имиджтэрэ үгүс киһини соһуппута, кэпсэтии таһаарбыта (интернет Макс иһэ көстөрүн, Гея баттаҕа арбайбытын ырытыынан туолбута -- В.О.).
 
— Былырыын сыананы 80-с сыллар стиллэринэн киэргэппиппит. Ол иһин ыытааччылары эмиэ ити сыллар муодаларынан таҥыннарбыппыт. Быйылгы сыанаҕа дирижабллар ыйанан тураллар. Ити тугуй? Ити -- киһи үрдүккэ талаһарын, халлааҥҥа көтөрүн символа. Ырыа -- эмиэ көтүү. Онон сибээстээн ыытааччылар стиллэрэ эмиэ итиниэхэ майгынныыр буолуоҕа, кэтэһиҥ. (Баҕар, летчик дуу, космонавт дуу буолаайаллар? - В.О.).
Сылтан сыл аайы бырайыагы өссө тупсарарга кыһаллабыт. Тоҕо диэтэххэ, дьон интэриэһиргээбэт буоллаҕына атын каналга көһөн хаалыа турдаҕа. Ол иһин көрөөччү дистанционкаҕа атын кнопканы баттаабат туһугар таһыммытын үрдэтэр сыаллаахпыт. Мин бииргэ үлэлиир хамаандабар муҥура суох махталбын биллэрэбин. "Саҥа ырыа" -- бу биһиги барыбыт оҕобут.
 
Варя ОКОНЕШНИКОВА суруйуута
 
«Эдэр саас» хаһыат, 2008 с., сэтинньи 19 күнэ
 
Хаартыска www.sakhafrom.ru саайтан ылылынна 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (10)
 
форумчанин   4 декабря 2008 00:13
Макстаах Геяттан ураты сити сана ыытааччылар таах себе, бэйэм мнениябын этэбин, син мээнэ эрээри, барыта саатар рэп-фестиваль игин курдук, олох атыны кууппутум, син истэн билэр дьонум ыллааччылар баалларын кереммун син а5ай настроенньа ылтым эрээри, саатар Юбилейнай сылыгар барытын сахалыы оноруо биhиэх баар этэ саатар, уонна били саастаах со5ус киhи куолаhа олорх робот образие комп куоластаах, хах, сити типо саха ырыа сайдыы еттун кердере сатаабыттарын дьусунэ дуо, па, саатар... ээ чээ... короче 42% эрэ себулээтим, былырыын 83% этэ...
Сырдык   5 декабря 2008 11:21
быйылгы ырыаьыттыр интириэьи тардыбаттар. Былырыынны ырыаьыттар ханна тиийдилэр,ол эбэтэр ча5ылхайдар Сайсары куо уонна Олимпия?
Варя   5 декабря 2008 14:17
Сана корон эрэбит дии. арыый эрдэ буолуо ырытарга
Ньукулай   9 декабря 2008 11:15
Нуучалара тарбахха баттанар. Саха дьоно нууччалыы ыллыыллар... Ити теhе сеп, бэрт эбитэ буолла?
GaaraЖистокий   9 декабря 2008 15:13
"Нуучалара тарбахха баттанар. Саха дьоно нууччалыы ыллыыллар... Ити теhе сеп, бэрт эбитэ буолла?"-ол аата санаырыа улаханмаштабка тахсан истэ5э дии. Сотору анг. франц. ылыахтара. Киhи ону кэрэн уэрэр эрэ. Гылаабынайа ол тасынан бэйэбит культурабыт баар буолла5ына туох куса5аннаах буолуой. Ону саха норуотатуох дии саныыгыт?
Ньукулай   9 декабря 2008 17:21
нууччаларбыт сахалыы ыллыыллара буоллар, ол бэрт буолуо этэ. Сахалар нууччалыы пул-пал диэн ыллыырбытын ким сэнээрбит уhу
бааска   10 декабря 2008 11:35
ньукулай бэрт сопко этэр,ырыаларын хайдах скачайдыыбыный?
Нина   13 декабря 2008 11:30
Оттон для разнообразия нууччалыы да ыллаатыннар ээ
Влад   4 января 2009 16:57
Сана ырыаларын хайдах скачайдыыбын?
Женя   16 февраля 2009 12:24
Ким ким кыайда аа?

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).