| Учууталлар ыллыыллар… |
| 26 октября 2008, 17:42 | Көрдүлэр: 18192 | Ыстатыйалар |  |
|
«Дьиэрэй» бөлөх тэриллибитэ номнуо 5 төгүрүк сылын туолла. Ол курдук, 5 сыл анараа өттүгэр саха дьонун дууһатын туппут, талааннаах самодеятельнай композитор-мелодист Алексей Кириллович Калининскайдыын-Луҥхалыын доҕордоспута уонна күн бүгүҥҥэ диэри кини ырыаларын ыллаан-туойан, тарҕатан кэллэ. «Дьиэрэй» бөлөх састаабыгар киирэллэр: салайааччы уонна конферансье – английскай тыл учуутала, СР үөрэхтээһинин туйгуна, Учууталлар учууталлара, РФ уопсай үөрэҕириитин бочуоттаах үлэһитэ Н.Л. Баишева, ырыаһыттар 1 куоластар – Н.Л. Баишева, Е.Н. Назарова, Р.К. Птицына, В.Н. Лукачевская, С.А. Сивцева, Т.В. Михайлова, 2-с куоластар – Л.А. Луговая, Г.С. Анисимова, Л.П. Шамаева, В.Г. Никитина, 3-с куоластар – Н.В. Федорова, Л.С. Васильева, М.В. Винокурова. Учууталлар ансаамбыллара гимназияҕа ыытыллар араас тэрээһиннэргэ ырыанан-тойугунан киэргэтэннэр, үөрэтэр оҕолорун, коллегаларын, төрөппүттэрин сэҥээриилэрин ылаллар. Маны таһынан, куорат, республика иһинэн ыытыллар хоровой көрүүлэргэ, холобура, учууталлар профсоюзтарын хоровой коллективтарын көрүүлэригэр, Улуу Кыайыы 60 сылыгар аналлаах «Туймаада ыллыыр» фестивальга лауреат, дипломант, бочуотунай грамота, махтал суруктар хаһаайыннарынан буолбуттара, дискэ таһааттарбыттара. А.Е.Кулаковскай аатынан Культура киинигэр А.К. Калининскай-Луҥха музыка эйгэтигэр 30 сыллаах «Куппунуун куустуһан» айар киэһэтигэр, Кэбээйи улууһун дьоно халаан уутуттан эмсэҕэлээбиттэргэ анаан көмө концерт, кырдьаҕастар дьиэлэригэр, реабилитационнай кииҥҥэ, саллааттарга – байыаннай чааска, Чурапчы төлөйүгэр, Нам Хамаҕаттатыгар, тыыл уонна үлэ бэтэрээннэригэр Арчы дьиэтигэр үтүө санаа концертарын оҥортообуттара. Дьиэрэйдэр «Ньургуһун» ыһыах тэриллиитигэр кылааттарын киллэрбиттэрэ. «Дьиэрэй» ансаамбыл «Дьүһүй» ырыа кулуубун чилиэнэ. Галина Анисимова «Саха сирэ» хаһыат, 2008 с., алтынньы 16 күнэ, 196 № |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (0)
.jpg&width=65&height=65?&cropratio=1:1)
