| Бүгүн Музыка күнэ! |
| 1 октября 2008, 00:13 | Көрдүлэр: 20673 | Ыстатыйалар |  |
|
Музыкаҕа сыһыаннаах сайт тэрийээччилэрэ буоларбыт быһыытынан сайт эрэллээх доҕотторун, ыалдьыттарын эҕэрдэлээбэт буолуохпутун сатаммат. Үгүс киһи санааргыыр-санньыйар да, үөрэр-көтөр да кэмигэр музыката суох сатаммат. Баара-суоҕа 7 эрэ нотаттан төһөлөөх музыка, кэрэ матыып, ырыа-тойук айыллыбыта буолуой уонна айыллыа да турдаҕа. Музыканы киһи кэпсээбэт, музыканы киһи айар, истэр, тиэрдэр, ылынар. Музыка күүһэ туохха да тэҥнэммэт - музыка ытатар-ыллатар, эмтиир-үтүөрдэр, сэриини да тохтотор күүс-күдэх биэрэр. Музыка кырдьыбат, сүппэт, киһи-аймах баарын тухары кини куруук баар буолуо. Түгэнинэн туһанан музыка кэрэ эйгэтигэр олохторун анаабыт композитордарга, мелодистарга, аранжировщиктарга, инструменталистарга, опера, эстрада ырыаһыттарыгар, музыкаҕа уһуйар учууталларга, уһуйуллар үөрэнээччилэргэ — бука барыгытыгар Музыка кэрэ бырааһынньыгынан эҕэрдэбитин тиэрдэбит. Эһиги талбыт чэпчэкитэ суох айар үлэҕит сөпкө сыаналаннын, үрдүк өһүөлээхтэртэн өйөбүллэннин. Эһиги музыкаҕыт, матыыпкыт, ырыаҕыт өрүү дьон дууһатын долгута, кэрэхсэтэ турдун, өлбөт-сүппэт үйэлэннин. Дьон-сэргэ ытыктабылын, махталын ылыҥ, үтүөнү эрэ үксэтиҥ, кэскиллээҕи эрэ кэрэһилээҥ! Баҕарабыт тус бэйэҕитигэр ханнык да ыарахаҥҥа бэриммэт кытаанах санааны, дьоллоох-соргулаах олоҕу, доруобуйаны, уһун үйэни! Эҕэрдэни кытта, «Ырыа кырдала» сайт тэрийээччилэрэ Синильга уонна Qwer |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (5)
