Бүгүн саайпыт үлэлээбитэ 1 сылын туолла!
 (голосов: 0)
 
Маны таһынан таптыыр кэргэммэр, саайпыт администраторыгар, программиһыгар, дизайнерыгар Qwerга уонна Саха Республикатын ырыаны айааччыларын сойууһун бэрэссэдээтэлигэр Алексей Васильевич Егоровка махталбын тиэрдэбин.
Сахам дьонугар туох эмит туһалааҕы оІордорбун диэн ба±а санаам ааспыт сылга туолбутуттан уонна бастакы сыл түмүгүттэн үөрэбин. Биир сыл этэҥҥэ ааста, саайпыт оннун булла диэххэ наада.

Кыратык саайт статистикатыттан.

Бүгүҥҥү күн туругунан саайтка 1274 ырыа тыла киирдэ, 227 мелодист айымньыта. Манна ырыалар каталог быґыытынан сааґыланан киирдилэр. Ону таґынан ханнык ба±арар ырыаны аҥардас биир да тылынан дэбигис булан ылыахха сөп.

Саайт аґыллыа±ыттан форум µлэлиир, онно дьон киирэн аґа±астык санаа атастаґар, кэпсэтэр, билсэр сирэ буолла. Форуммутугар 1100 кэриҥэ теманы ырыттыбыт, кэпсэттибит. Онон кµн-тµµн аайы дьон ыалдьыттыыра µгэскэ кубулуйда, ол биґигитини µірдµбэт буолуон сатаммат.

Бастаан ырыа тыллара эрэ баар эбит буоллахтарына, сыл устата саҥа разделлар аһылыннылар. Ол курдук:
 
2007 с. сэтинньи 20 күнүттэн фотогалерея үлэлиир. Манна ким баҕарар хаартыска киллэрэр кыахтаах. Билиҥҥи туругунан 1018 хаартыска киирбит.

Бу дьыл тохсунньу 31 күнүгэр «Саайт ыалдьыттара» диэн раздел аһыллыбыта. Бу разделга ырыа кэрэ эйгэтигэр үлэлиир биллиилээх ырыа айааччылары, ырыаһыттары, ырыаны чочуйан оҥорооччулары уонна да атын ырыаҕа сыһыаннаах айар үлэһиттэри кытта кэпсэтии түмүгүнэн матырыйааллар киирэллэр. 14 киһи ыалдьыттаата. Ыалдьыттарбыт MP3 форматтаах айымньыларын бэлэхтиир кыахтаннылар. Бу разделга билиҥҥи туругунан
33 MP3 форматтаах айымньы киирэн турар.

Олунньу 13 күнүгэр «Ыстатыйалар» диэн саҥа раздел астыбыт - биллэр айар үлэһиттэр тустарынан ыстатыйалары, ахтыылары, очеркалары таһаарар сир. Билиҥҥи туругунан 23 ыстатыйа киирдэ.

Кулун тутар 3 күнүттэн «Сонуннар» раздел үлэлиир. Манна буолаары турар кэнсиэрдэр уонна араас тэрээһиннэр биллэриилэрин, рекламатын буолуохха сөп.

Бэс ыйын 12 күнүгэр интернет иэнигэр баар сахалыы ресурстар ыйынньыктардаах «Сахалыы интернет» диэн саҥа раздел аһылынна.

76 бэлиэтэммит кыттааччы баар. Дьиҥэр, саайтка сылдьарга бэлиэтэнимиэххэ да син. Саҥата суох саайты көрөр, туһанар дьон сүрдээх элбэх. Географиябыт да киэҥ - республикабыт дьонун аахпаппыт даҕаны, барыта бэйэбит дьоммутугар ананар буоллаҕа дии. 6 ый түмүгүнэн 32 тас дойдулартан киирэр эбит буоллахтарына, билиҥҥи туругунан 61 омук дойдуларыттан киирэ сылдьаллар диэн саайпыт статистиката көрдөрөр. Хата бэйэм сөхтүм.

Саамай элбэхтэ көрүллэр страницалар:

1. Сахалыы шрифт - 4350
2. Владимир Индигирский - 3099
3. Евгений Тазетдинов - 1346
4. Наталья Яковлева - Далаана - 1307
5. Ыллыыр Синильга:)) - 1256
6. Уля Сергучева - Күннэй - 1229
7. Уруйдаана Харитонова уонна Сайсары-Куо - 1078
8. Далаана бастакы айар киэһэтэ түмүктэннэ - 1019
9. "Этигэн Хомус" түмүгүнэн кэпсэтии - 911
10. Александра Алексеева - 906

Саамай элбэхтэ көрүллэр ырыа тыллара:

1. «Сулустар» - 654
2. «Ийээ, сыллаан ылыым дуу?» - 449
3. «Туоххаһыйыы тойуга» - 340
4. «Баар буолууй...» - 303
5. «Эйиэхэ» - 299
6. «Умнуом дуо...» - 289
7. «Кыысчааммар» - 288
8. «Атаарабын» - 286
9. «Сиккиэр тыал» - 285
10. «Аан дойду ыччатын сүрэҕэ» - 282

Саамай элбэхтэ көрүллэр хаартыскалар:

1. Ый Кыыһа - 932
2. Сайсары Куо - 748
3. Айс уонна Кыдаана - 727
4. Полина Протодьяконова - 675
5. Нари-Яна Куо - 652
6. Уля Сергучева - 613
7. Угадайте "Кто есть кто" - 598
8. Ванилла - 541
9. Федот Тумусов дьиҥнээх сирэйэ :) - 533
10. Наталья Яковлева – Далаана - 527

Сыл устата саайт үлэтин туһунан араас СМИларга матырыйаал тахсыбыта. Холобур, www.sakhalife.ru информационнай агентство саайтыгар, www.v-yakutia.ru интернет-хаһыакка, «Киин куорат» уонна «Кыым» хаһыаттарга.

Биир улахан ситиһиибитинэн информационнай технологиялар Федеральнай Агентстволарыттан саайпыт регистрацияламмытын туһунан туоһу сурук ылбыппыт буолар.

Чэ, кылгастык ити курдук. Элбэх үлэ барда. Былааннаммыттан олоххо киирэ илик эмиэ элбэх. Төһөтө табылларын олох көрдөрөн иһиэ.

Күндү "Ырыа кырдала" саайт ыалдьыттара, доҕотторбут! Ыллыктаах санааҕыт хаһан да уостубатын, эйэҕэс сүбэҕит элбээтин, өйөбүлгүт үксүү турдун! Эһиги көмөҕүтүнэн саайпыт ырыа тылынан туоллун, форуммут мэлдьи дьону түмэ, сомоҕолуу, көҕүлүү турдун! Олоххутугар үтүө санаа, үөрүү-көтүү, дьол-соргу, таптал эрэ аргыстастын! Саха тыла интернеккэ кимэн киирэригэр бары күүспүтүн ууруоҕуҥ! Сахабыт сирэ үүнэ-сайда, барҕара, күүһүрэ туруохтун!


СИНИЛЬГА
 
Михаил хаартыската 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (0)
 

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).