Нууччалар ортолоругар саҥа сахалыы бөлөх
 (голосов: 0)
 
 
 
Быйыл «Сахалыы Виктория» радио тохсус төгүлүн тэрийэр «Этигэн Хомус» күрэхтэһиигэ, саҥа номинацияны киллэрдэ – «Тыыннаах доҕуһуоллаах эдэр бөлөх». Манна «103» — Хатас, «ВИА Кэскил» – Үөһээ Бүлүү, «Ый суола» — Майа, «Фрозен Ист» – Дьокуускай эдэр, талааннаах бөлөхтөрө кытыннылар. Бу саҥа номинация – тыыннаах музыкаҕа наадыйыы улааппытын, сэҥээрээччилэр баар буолбуттарын кэрэһилиир.
Соторутааҕыта республика тыыннаах доҕуґуоллаах бөлөхтөрө, музыканнара Өксөкүлээх аатынан культура киинигэр мустан кэнсиэр көрдөрдүлэр. Улуустартан эмиэ кыттааччылар кэлбиттэр.
Мин бүгүҥҥү нүөмэрим сүрүн геройдарын – Мирнэй куораттан сылдьар «Тобул» бөлөх туһунан билиһиннэриэхпин баҕарабын. Тоҕо чуолаан, бу «Тобул» бөлөҕү суруйарга соруннуҥ диир буоллаххытына, «Тобул» бөлөх соторутааҕыта эрэ тэриллибит, ону таһынан саҥа саҕалаан эрэр дьон диэтэххэ олус бэркэ, сатабыллаахтык ыллаатылар-туойдулар, бэйэлэрин көрдөрдүлэр.
«Тобул» бөлөх түөрт киһиттэн турар. Ол курдук Прокопьев Ваня (Үөһээ Бүлүүттэн сылдьар) – гитара, вокал; Семенов Азар (Үөґээ Бүлүү) – бас-гитара. Уолаттар иккиэн СГУ Мирнэйдээҕи политехническай институт (МПТИ) филиалын бастакы кууруһун устудьуоннара. Үґүс киһи – Аргунов Андрей (Мирнэй) – барабанщик; Иванов Гена (Ньурба) – клавишник. Салайааччынан СГУ МПТИ уопсай математика кафедратыгар компьютернай кылаас салайааччыта Андрей Кысылбаиков буолар.
— Тыыннаах музыкаҕа уруккуттан сыстан үлэлиэхпин баҕарарым, — диэн салайааччы Андрей кэпсээнин саҕалыыр. — Иванов Геналыын уруккуттан билсэбит, табаарыстыыларбыт. Кини Мирнэйгэ үөрэнэ кэлбитин кэннэ, тыыннаах доҕуґуоллаах бөлөх тэрийиэххэ дэспиппит. Ол кэмҥэ оруобуна бастакы кууруска үөрэнэр уолаттары музыкаҕа сыһыаннаахтар диэн таба көрбүппүт. Устунан бөлөх буолуохпутун сөп эбит диэн санааҕа кэлбиппит. МПТИ үрдүнэн, уопсайынан, Мирнэйгэ, нууччалыы тыыннаах бөлөхтөр элбэхтэр. Онно эбии сахалыы ырыанан биһиги баар буолбуппут. Инньэ гынан ректорбыт Альбина Абрамовна Гольдман өйөөн инструмент ылан биэрбитэ.
«Тобул» диэн ааты бары биир сүбэнэн ааттаабыппыт – куруук саҥаны-сонуну айа, тобула сылдьыахпыт диэн. Дьокуускайга тыыннаах доҕуґуоллаах бөлөхтөргө ыытыллыбыт кэнсиэркэ биһигини «Фрозен Ист» уонна «103» бөлөхтөр ыҥырбыттара. Ректорбыт Альбина Абрамовна спонсордаан, кэлэр-барар бырайыаспытын булан – кэнсиэркэ кэлэн кытынныбыт. Кэнсиэркэ элбэҕи көрөн уопуттаах бөлөхтөртөн үөрэннибит, саҥа арыйыылары оҥордубут. Уопсайынан билбэппитин, сатаабаппытын ыйан-кэрдэн, сүбэлээн-амалаан биэрдилэр. Мирнэйтэн самолетунан кэлэрбитигэр инструменнарбытын илдьэ кэлбэтибит. Эрдэттэн Үөһээ Бүлүүттэн сылдьар «Кэскил» бөлөхтөн уларсарга кэпсэппиппит. Онон чэпчэки этэ. Талааннаах бөлөхтөр биһигини хайҕаабыттарыттан наһаа астынныбыт уонна үөрд
үбүт. Уопсайынан, Бүлүү бөлөхтөр билсэбит уонна чулуу «Чолбон» бөлөх аатын үйэтитиэхпит дии саныыбыт. Инникитин маннык хабааннаах күрэхтэһиилэргэ кыттар баҕалаахпыт.
Уолаттар ыллыыр ырыаларын бэйэлэрэ айаллар. Онон уратылаах курдук.
Түгэнинэн туһанан, уолаттар махталларын «Кэскил» хаһыат корреспонденыгар, наһаа
үчүгэйдик көрсөн, көмөлөспүт киһилэригэр Евдокия Иринцееваҕа, СГУ профилакторийыгар түґэрбит Босиков Юрий Иннокентьевичка уонна ректорбытыгар Гольдман Альбина Абрамовнаҕа тиэрдэллэр.

 
Рая ВАСИЛЬЕВА-ПОПОВА

«Эдэр саас» хаһыат кулун тутар 12 күнүнээҕи нүөмэриттэн

Хаартыска «Ырыа кырдала» саайтан ылылынна




Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (0)
 

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".