«Ырыа кырдала» сайт саҥа бырайыага
 
Интернет нөҥүө ыытыллар Ырыа күрэҕин балаhыанньата

Бырайыак автора – Синильга

Тэрийээччи – «Ырыа кырдала» интернет-сайт

Күрэх ыытыллар кэмэ – 2008 сыл алтынньы – сэтинньи ыйдар

Күрэх көрүҥэ – интернет нөҥүө

Интернет нөҥүө «Ырыа кырдала» күрэх Дьокуускай куорат дьаһалтатын культура уонна духуобунас салаатын, «Ситим» медиа-бөлөх уонна Саха Сирин ырыа айааччыларын холбоhугун өйөбүллэринэн ыытыллар.

Сүрүн информационнай өйөбүлү Ykt.ru портал оҥорор.

«SakhaLife» информационнай агентство уонна «Кыым» хаһыат эмиэ информационнай өйөбүлү оҥороллор.

Уопсай балаһыанньа

«Ырыа кырдала» диэн Интернет нөҥүө ыытыллар ырыа күрэҕин брендын туттуу Тэрийээччи бас билиитэ буолар.
Күрэх сүнньүнэн тахсыан сөп мөккүөрдээх түгэннэргэ Тэрийээччи быһаарыыта бүтэһиктээх буолар.
 
Ырыа күрэҕин сыала – соруга:

- сахалыы ырыаны киэн эйгэҕэ таhаарыы
- талааннаах толорооччулары уонна ырыа айааччылары билиhиннэрии
- дьону сахалыы ырыаҕа уһуйуу
- сахалыы ырыа туhунан кэпсэтии айар эйгэтин тэрийии
- сахалыы ырыа сайдар суолун торумнааһын

Ырыа күрэҕин усулуобуйата

18 саастарын туолбут биирдиилээн толорооччу, сахалыы ырыаны сэҥээрээччи баҕа өттүнэн кытталлар. Бу күрэххэ идэтийбит ырыаhыттар уонна кэнсиэри тэрийэр дьон кытталлара көҥүллэммэт.
Күрэх уратыта диэн интернет нөҥүө тэриллэрэ буолар. Күрэххэ кыттарга анаммыт ырыалар «Ырыа кырдала» сайтка туруоруллаллар уонна сайт архыыбыгар хаалаллар.
Кыттааччылар сахалыы тылынан ханнык баҕарар ырыанан кытталлар. Ырыа толоруллар темата хааччахтаммат. Фонограмманы туттуу көҥүллэнэр. Ону тэнэ доҕуhуоллаах эбэтэр доҕуhуола суох тыыннаах куолаhынан ыллыахха син. Маны барытын кыттааччы бэйэтэ тэринэр.
Ырыа формата MP3 буолуохтаах. Ырыаны устан ыытыыга маннык хаачыстыбаны тутуhуу ирдэнэр: битрейт 128 кб/сек-тан намыhаҕа суох, частотата 44 кГц тэҥнэhэр буолуохтаах.

Кыттар туhунан илдьит ыытыы бэрээдэгэ

Күрэххэ кыттар туһунан сайаапканы кыттыан баҕалаах Тэрийээччи Sinilga69@mail.ru электроннай аадырыһыгар ыытар.
Сайаапканы кытары бэчээттэммит ылланар ырыа тылын толору тиэкиһин ыытар. Ырыа ааптардара ыйыллара булгуччулаах.
Кыттааччы «Ырыа кырдала» сайт анал сиригэр бэлиэтэнэр уонна күрэххэ анаммыт сиргэ MP3 форматтаах ырыатын бэйэтэ киллэрэн туруорар.
 
Күрэх түhүмэхтэрэ

1 түhүмэх – алтынньы 1  күнүттэн 25 күнүгэр диэри толоруллубут ырыа туhунан матырыйааллары этиллибит аадырыска ыытыы
2 түhүмэх – сэтинньи ый 25-гэр диэри «Ырыа кырдала» сайтка интернет нөҥүө куоластааhын
3 түhүмэх – ахсынньы ый 1 күнүгэр диэри күрэх түмүгүн таhаарыы

Дьүүллүүр сүбэ туhунан

Ырыа күрэҕэр ыытыллыбыт матырыйааллары маннык састааптаах Дьүүллүүр Сүбэ көрүөҕэ:

1. Алексей Егоров – Саха Сирин ырыа айааччыларын холбоhугун салайааччыта, Республика үтүөлээх артыыhа
2. Владимир Индигирскэй – Саха Республикатын культуратын үтүөлээх үлэhитэ
3. Евгений Тазетдинов – ырыа тыаhын-ууhун, доҕуhуолун таҥааччы, Саха Республикатын культуратын туйгуна
4. Михаил Семенов – ырыаны толорооччу, «Кыым» хаhыат корреспондена
5. Уххан – поэт, журналист
Кыайыылааҕы Дьүүллүүр Сүбэ быhаарар. Дьүүллүүр Сүбэ быhаарыыта бүтэhиктээх буолар.

Наҕараадалар, анал бириистэр

1 бириэмийэ - харчынан
2 бириэмийэ - харчынан
3 бириэмийэ – харчынан

Маны таһынан интернет нөҥүө куоластааhын түмүгүнэн «Истээччилэр сэҥээрбит ырыалара» диэн анал бириис олохтонор. Бу бириис «Кыым» хаһыат аатыттан туттарыллар.

Таптал туһунан ырыаҕа «Күрүлгэн» уус-уран, публицистическай альманах эбии бириис аныыр.

Дьүүллүүр Сүбэҕэ киирбит хас биирдии киhи анал бирииһи олохтуур.
 
Ону тэҥэ айар холбоhуктар, атын тэрилтэлэр, биирдиилээн дьон анал бириистэри олохтуохтарын сөп.
 
Кыайыылаахтары быһаарыы бэрээдэгэ

Кыайыылаахтары Дьүүллүүр Сүбэ толорооччу ырыаны толоруу, ырыа уус-уран таhымын көрөн, уопсай сүбэнэн быһаарар.
«Истээччи сэҥээрбит ырыата» бириис «Ырыа кырдала» сайт нөҥүө аһаҕас куоластааһын түмүгүнэн саамай элбэх куолаһы ылбыт толорооччуга бэриллэр.
 
Наҕарааданы туттарыы бэрээдэгэ

Толорооччуларга кыайбыттарын туhунан туоhу сурук туттарыллар, харчынан бириэмийэ бэриллэр.
Тэрийээччи наҕараадалары уонна анал бириистэри туттарыы буолар сирин, кэмин түмүк таҕыстаҕына «Ырыа кырдала» сайт нөҥүө биллэрэр.
Ыраах улууска олорор кыайбыт кыттааччы киин сиргэ сатаан кэлбэт түгэнигэр харчынан бириэмийэ уонна анал бириис почтанан тириэрдиллэр.

Ырыа күрэҕин балаhыанньата уларыйыытын туhунан

Тэрийээччи хаhан баҕарар балаhыанньа сүнньүнэн уларытыыны киллэрэр бырааптаах. Ол туhунан «Ырыа кырдала» сайт нөҥүө тутатына иhитиннэриэхтээх.
Күрэх чэрчитинэн тахсар ыйытыктары маннык электроннай аадырыска тириэрдиллэр: Sinilga69@mail.ru
 
Интернет нөҥүө ыытыллар Ырыа күрэҕэр кыттарга толоруллар сайаапка

Ырыа аата

Ырыа матыыбын айааччы толору аата

Ырыа тылын ааптарын толору аата

Ырыа хайдах толоруллара (доҕуһуола суох, доҕуһуоллаах - доҕуһуол көрүҥэ)

Толорооччу толору аата

Төрөөбүт сыла

Дьиэтээҕи аадырыһа

Тугу үлэлиирэ, дьарыга

Интернеккэ аата (аатын киэҥ араҥаҕа таһаарыан баҕарбат буоллаҕына)

Атын ырыа күрэхтэригэр кыттыыта

Төлөпүөннэрэ, электроннай аадырыһа
 
 
Балаһыанньаны нууччалыыттан сахалыы тылбаастыырга Михнаса Атласова көмөлөстө 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (104)
 
Синильга   28 октября 2008 07:11
Маннык буолла. 3 саастарын туола илик толорооччулар кыттыыны ылбаттар диэн быһаардыбыт. Уонна 1 кыттааччы эбилиннэ.
Онон 22 кыттааччыланныбыт:

1. "Сахам кыыһа"- Айсен Стручков тыллара уонна мелодията, бэйэтин толоруута (Дьокуускай куорат)

2. "Эйиигинэ суох" - Семен Борисов тыллара, Николай Попов мелодията, Tuskun толоруута (Дьокуускай куорат)

3. "Ырыабын истиий"- Руслан Иванов тыллара уонна мелодията, бэйэтин толоруута (Сунтаар улууһа).

4. "Күндү киһим" - Алексей Потапов тыллара уонна мелодията, Ирина толоруута (Нам улууһа)

5. "Дьолдыстан" - Надина Эльпис тыллара уонна мелодията, бэйэтин толоруута (Дьокуускай куорат)

6. "Доҕорбор" - Евгения Сорокоумова тыллара, Арсен Борисов мелодията, Arsen толоруута (Чурапчы улууһа)

7. "Үүнэр күн"- Саргылаана Гольдерова тыллара, Григорий Барабанскай мелодията, Григорий Барабанскай толоруута (Дьокуускай куорат)

8. Норуот ырыаларыгар попурри - Виталий Очиров толоруута (Мэҥэ-Хаҥалас улууһа)

9. "Үрүҥ түүн" - Надежда Юмшанова тыллара уонна мелодията, бэйэтин толоруута (Верхоянскай улууһа)

10. "Эйиигин булуом" - Федор Максимов толоруута (Чурапчы улууһа)

11. "Саха-блюз" - Александр Неустроев (Дьокуускай куорат)

12. "Ахтылҕан" - Кыалык тыллара уонна мелодията, бэйэтин толоруута (Дьокуускай куорат)

13. "Ырыа баар" - Лилия Кириллина тыллара уонна мелодията, бэйэтин толоруута (Сунтаар улууһа)

14. "Амсат эрэ дьэдьэҥҥиттэн" - Н. Попов тыллара, А. Варламова мелодията, Валентина Колосова толоруута (Дьокуускай куорат)

15. "Суруктарым" - Айкуо тыллара уонна мелодията, бэйэтин толоруута (Дьокуускай куорат)

16. "Сайылыыр алааспар" - Дьулустаан Иванов тыллара уонна мелодията, Ренат Иванов толоруута (Бүлүү улууһа)

17. "Кистэлэҥ таптал" - Айаал Давыдов тыллара уонна мелодията, David толоруута (Дьокуускай куорат)

18. "Ийэ" - Петр Петров тыллара уонна мелодията, Екатерина Львова толруута (Эдьигээн улууһа)

19. "Мин оннубар" - биллибэт автор тыллара, Герасим Павлов мелодията, Нина Шадрина толоруута (Эдьигээн улууһа)

20. "Ахтылҕан" - Людмила Лукина - Долгуура тыллара, Иван Неустроев мелодията, Мария Винокурова толоруута (Уус-Алдан улууһа)

21. "Хаарты хараҕа" - Михаил Семенов тыллара, Герасим Павлов мелодията, Боотур толоруута (Эдьигээн улууһа)

22. "Билбэккэ сылдьыбыт кыысчааммар" - Николай Бандеров тыллара уонна мелодията, бэйэтин толоруута (Дьокуускай куорат)
Лео   28 октября 2008 15:18
Саха блюз рулит :-)
болоодъа   30 октября 2008 18:03
ханна,уонна хайдах ырыны истэбит уонна куоластыыбыт?
Катя   30 октября 2008 21:17
Наьаа учугэй бырайыак! ессе да маннык курэхтэр ыытылла турдуннар. Туох баар кыттааччыларга урдук ситиьиилэри. К. Львова
Синильга   31 октября 2008 13:42
Ырыалары сарсыҥҥыттан истиэххэ сөп. Уонна куоластааһын саҕаланыаҕа
Анюсик   5 ноября 2008 01:36
Нина Шадрина ырыатын собулуу и4иттим.
Нохоо   9 ноября 2008 14:29
биьиги хойутаатыбыт ... =((((((((( кэьэтиэхтээх этибит!
Мария   10 ноября 2008 11:04
Саха-блюз Александр Неустроев
Юмшанова Надежда   11 ноября 2008 13:55
Юмшанова Надежда
Юмшанова Надежда   11 ноября 2008 13:56
Ырыа кырдала
The_NL   15 ноября 2008 07:16
Эмм.. странные комменты №89 и №90..

Мой выбор - Үрүҥ түүн - Надя Юмшанова
тинилэхтэй   17 ноября 2008 14:59
дорооболорун!мин куоласпын истибэккэ,корбокко да эрэ Боотурга даю,п.ч. мы уверены что он если не победит то в 5ку обязательно войдет!
Петрова Розалия   17 ноября 2008 23:04
Мой выбор - Надя Юмшанова
Натай   18 ноября 2008 01:18
Хайдах куоластыыбыный,ырыалары хайдах истэбиний?
Натай   18 ноября 2008 01:20
Натай   18 ноября 2008 01:27
Кыттыы и4ин туо4у сурук бэриллэр дуо?Короче, мин куоласпын Лилия Кириллина5а биэрэбин,кто сомной тот герой... :-)))
Барахсан   20 ноября 2008 09:33
Дорооболорун!
Ырыа конкурсугар заявка хомуллан буттэ дуо?
Синильга   20 ноября 2008 10:46
Бүппүтэ ыраатта. Конкурс түмүктэнэн эрэр.
Седмар   22 ноября 2008 11:38
Эбии заявка ыла5ыт дуо?
СедМар   22 ноября 2008 11:44
Синильга! Киирбит боппуруоска то5о эппиэттээбэккин?

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".