Партнердарбытыгар махтал!
Алтынньы-сэтинньи ыйдарга «Ырыа кырдала» саайт аан бастакы интернет нөҥүө республиканскай таһымнаах сахалыы ырыа күрэҕин тэрийэн ыытта. Күрэх 3 түһүмэҕинэн ыытыллыбыта.
 
Дьүүллүүр Сүбэ быһаарыыта маннык буолла:

1-кы бириэмийэ кыайыылааҕа - Виталий Очиров (Мэҥэ-Хаҥалас улууһа) - Норуот ырыаларыгар попурринан.
Бу бириэмийэ харчынан, Дьокуускай куорат дьаһалтатын Культураҕа уонна духуобунай сайдыыга салаата үбүлээтэ. Бириэмийэ кээмэйэ – 10 тыһ. солк.

2-с бириэмийэ кыайыылааҕа - Боотур (Эдьигээн улууһа) - "Хаарты хараҕа" ырыанан - Мэхээс Сэмэнэп тыллара, Герасим Павлов мелодията.
Бу бириэмийэ харчынан, Саха Сирин ырыа айааччыларын холбоhуга үбүлээтэ. Бириэмийэ кээмэйэ – 7 тыһ. солк.

3-с бириэмийэ кыайыылааҕа – Ирина (Нам улууһа) "Күндү киһим" ырыанан - Алексей Потапов тыллара уонна мелодията.
Бу бириэмийэ харчынан, «Ситим» медиа-бөлөх үбүлээтэ. Бириэмийэ кээмэйэ – 5 тыһ. солк.

Маны таһынан интернет нөҥүө аһаҕас куоластааhын түмүгүнэн «Истээччи сэҥээрбит ырыата» диэн анал бириис олохтоммута. Истээччи саамай элбэх куолаһын ылбыт Александр Неустроевка (Дьокуускай куорат) «Саха-блюз» авторскай ырыатын иһин «Кыым» хаһыат анал бирииһэ – 3 тыһ. солк. сууммалаах «Сахамебель» маҕаһыын сертификата туттарылынна.

«Ил Түмэн» хаһыат «Бастыҥ авторскай ырыа» диэн анал бириис олохтообута. 5 тыһ. солк. сууммалаах «Эпл-Даймонд» ювелирнай маҕаһыын сертификата Надежда Юмшановаҕа (Верхоянскай улууһа) туттарылынна - "Үрүҥ түүн" диэн авторскай ырыатын иһин.

«Күрүлгэн» уус-уран альманах «Таптал туһунан бастыҥ ырыа» анал бирииһэ – альманах 8 туома (бука барыта) + аудио-диск - туттарылынна Нина Шадринаҕа (Эдьигээн улууһа) - "Мин оннубар" диэн ырыатын иһин - биллибэт автор тыллара, Герасим Павлов мелодията.

Маны таһынан Дьүүллүүр Сүбэ чилиэннэрэ бэйэлэрин анал бириистэрин олохтообуттара.

Алексей Егоров анал бирииһин – Екатерина, Алексей Егоровтар айар киэһэлэринэн 2 DVD диискэни - Arsenҥа (Чурапчы улууһа) анаата. Ырыата: "Доҕорбор" - Евгения Сорокоумова тыллара, Арсен Борисов мелодията.
 
Уххан анал бирииһэ – бэйэтин 3 DVD+3CD+3 кинигэтэ («Сиэр килэ», «Саха сахатынан кэрэ», «Санаа буолардаах, буолбаттаах») - ананна Лилия Кириллинаҕа (Сунтаар улууһа) - "Ырыа баар" диэн авторскай ырыатын иһин.
 
Владимир Индигирскэй анал бирииһэ – бэйэтин «Сулустар» СD диискэтэ уонна коньяк набора - ананна Кыалыкка (Дьокуускай куорат) - Антоновка туһунан "Ахтылҕан" диэн авторскай ырыатын иһин.
 
Евгений Тазетдинов анал бирииһинэн 1 босхо аранжировка буолла. Бириис ананна Надина Эльписка (Дьокуускай куорат) "Дьолдыстан" диэн авторскай ырыа.
 
Мэхээс Сэмэнэп анал бирииһинэн 1 ырыаҕа хоһоон. Бириис ананна Боотурга (Эдьигээн улууһа) - "Хаарты хараҕа" диэн ырыа. Мэхээс Сэмэнэп тыллара, Герасим Павлов мелодията.

Маны таһынан «Ситим» медиа-бөлөх күрэххэ сайаапка ыыппыт, ол эрэн саастарын ситэ иликтэринэн күрэххэ кыайан кыттыбатах Степанова Саргылаанаҕа (Сунтаар улууһа), Иванов Федорга (Дьокуускай куорат) уонна кыттааччы Николай Бандеровка (Дьокуускай куорат) бэйэтин биһирэбил бириистэрин тиэртэ – хас биирдиилэригэр 2 тыһ. солк. сууммалаах «Элтар» маҕаһыын сертификата.

Ырыабыт күрэҕэ бу курдук түмүктэрдээх, кыайыылардаах, бэлэхтэрдээх этэҥҥэ түмүктэннэ.

Түгэнинэн туһанан биһиги бу бырайыакпытыгар көмө, өйөбүл буолбут дьоҥҥо махталбытын тиэрдэрбитин көҥүллээҥ. Чуолаан:

 
Бырайыакпытын өйөөбүт партнердарбыт:

 
Мария Христофорова («Ситим» медиа-бөлөх)

Антонида Корякина (Дьокуускай куорат дьаһалтатын культураҕа уонна духуобунай сайдыыга салаата)

Алексей Егоров (Саха Сирин ырыа айааччыларын холбоhуга)

Айталина Оконешникова («Ил Түмэн» хаһыат). «Ил Түмэн» хаһыат рекламаҕа менеджера Аксинья Уварова

Иван Гаврильев ("Кыым" хаһыат)
 
Афанасий Гуринов («Күрүлгэн» уус-уран альманах)

«Ситим» медиа-бөлөх рекламаҕа менеджердара Надежда Акимова уонна Марфа Новикова

 
Информационнай партнердарбыт:

 
Арсен Томскай (Сахаинтернет хампаанньа). Чуолаан Владимир Ивановка уонна Марат Заляловка туспа махтал.

София Булчукей («SakhaLife» информационнай агентство)

Иван Гаврильев («Кыым» хаһыат). Чуолаан Мэхээс Сэмэнэпкэ куруук биһиги саайпыт үлэтин сырдатарын иһин туспа махтал.

 
Тэрээһин боппуруостарга көмөлөспүт партнердарбыт:

 
Филипп Пестряков (Бэчээт департамена)
 
Николай Никитин (Республикатааҕы Пресс-киин)
 
Василий Филиппов (Эстрада театра). Чуолаан Евгений Тазетдиновка эмиэ махталбытын тиэрдэбит.

Маны таһынан биһиги көрдөһүүбүтүн ылынан күрэххэ киирбит ырыалары бары өттүнэн сыаналаабыт, ону таһынан анал бириистэрин олохтообут Дьүүллүүр Сүбэҕэ эмиэ махтал тылларын тиэрдэбит.

Уонна, биллэн турар, күрэх кыттыылаахтарыгар барыларыгар биһиги бырайыакпытыгар эрэнэн, итэҕэйэн кыттыыны ылбыккытыгар эмиэ махтаныах кэриҥнээхпит.

Онон, доҕоттоор, бука барыгытыгар ыллыктаах санааҕыт, эйэҕэс сүбэҕит, итэҕэлгит, өйөөһүҥҥүт, өйдөөһүҥҥүт иһин барҕа махталбытын тиэрдэбит. Эһиги олоххутугар үтүө, үөрүү-көтүү, дьол-соргу, таптал уонна ырыа эрэ эҥэрдэстин!

Ырыа кырдала ырыата элбээтин, түһүлгэбит куруутун дьону түмэ, сомоҕолуу, көҕүлүү турдун!
 
 
Синильга уонна Qwer 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (1)
 
Усть-Алдан, Кэптэни   26 декабря 2008 12:55
Эгэрдэ Александр Неустроевка, бары учугэйии кытта, Сана Дьылынан.
Синильгага оссо маннык курдук конкурстары ыытаргар багарабыт, махтал.
Неустроев А.   26 декабря 2008 14:03
Кэптэнилэргэ махтал. Барыгытын Сана Дьылынан, дьолу-соргуну! Киирдэххитинэ сылдьаарын. Бу конкурс тэрийээччилэлигэр, кыттыылаахтарыгар Сана Дьылынан э5эрдэ. Сана сырдык санаалары, ырыалары, олоххутугар дьолу-соргуну, ситиhиилэри ба5арабын!
Синильга   26 декабря 2008 23:03
Эҕэрдэҕит, баҕа санааҕыт иһин махтал!

Өссө төгүл күрэх кыайыылаахтарын, бириистээхтэрин эҕэрдэлиибит! Бары үчүгэйи!
Ирина   1 января 2009 15:26
Синильганы уонна курэх бары кыттааччыларын ууммут Сана дьылынан э5эрдэлиибин! Ба5арбыт ба5а санааларгыт, былааннаргыт барыта туолан истиннэр, сити4ии куруутун э4игини арыаллаатын!
Синильга   2 января 2009 14:26
Баһыыба, Ирина! Эйиэхэ уонна бары кыттааччыларга Ырыа кырдала күрэх үтүө эрэ санааны хааллардын. Үүммүт 2009 сылга кризискэ хаарыллабатаргытыгар баҕарабын. Дьоллоох буолуҥ!
Мин   1 апреля 2009 00:00
Виталий Очиров так держать!!!! Молодецццц1 Классно поешь!!! :-)

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".