«Ырыа кырдала» сайт саҥа бырайыага
 
Интернет нөҥүө ыытыллар Ырыа күрэҕин балаhыанньата

Бырайыак автора – Синильга

Тэрийээччи – «Ырыа кырдала» интернет-сайт

Күрэх ыытыллар кэмэ – 2008 сыл алтынньы – сэтинньи ыйдар

Күрэх көрүҥэ – интернет нөҥүө

Интернет нөҥүө «Ырыа кырдала» күрэх Дьокуускай куорат дьаһалтатын культура уонна духуобунас салаатын, «Ситим» медиа-бөлөх уонна Саха Сирин ырыа айааччыларын холбоhугун өйөбүллэринэн ыытыллар.

Сүрүн информационнай өйөбүлү Ykt.ru портал оҥорор.

«SakhaLife» информационнай агентство уонна «Кыым» хаһыат эмиэ информационнай өйөбүлү оҥороллор.

Уопсай балаһыанньа

«Ырыа кырдала» диэн Интернет нөҥүө ыытыллар ырыа күрэҕин брендын туттуу Тэрийээччи бас билиитэ буолар.
Күрэх сүнньүнэн тахсыан сөп мөккүөрдээх түгэннэргэ Тэрийээччи быһаарыыта бүтэһиктээх буолар.
 
Ырыа күрэҕин сыала – соруга:

- сахалыы ырыаны киэн эйгэҕэ таhаарыы
- талааннаах толорооччулары уонна ырыа айааччылары билиhиннэрии
- дьону сахалыы ырыаҕа уһуйуу
- сахалыы ырыа туhунан кэпсэтии айар эйгэтин тэрийии
- сахалыы ырыа сайдар суолун торумнааһын

Ырыа күрэҕин усулуобуйата

18 саастарын туолбут биирдиилээн толорооччу, сахалыы ырыаны сэҥээрээччи баҕа өттүнэн кытталлар. Бу күрэххэ идэтийбит ырыаhыттар уонна кэнсиэри тэрийэр дьон кытталлара көҥүллэммэт.
Күрэх уратыта диэн интернет нөҥүө тэриллэрэ буолар. Күрэххэ кыттарга анаммыт ырыалар «Ырыа кырдала» сайтка туруоруллаллар уонна сайт архыыбыгар хаалаллар.
Кыттааччылар сахалыы тылынан ханнык баҕарар ырыанан кытталлар. Ырыа толоруллар темата хааччахтаммат. Фонограмманы туттуу көҥүллэнэр. Ону тэнэ доҕуhуоллаах эбэтэр доҕуhуола суох тыыннаах куолаhынан ыллыахха син. Маны барытын кыттааччы бэйэтэ тэринэр.
Ырыа формата MP3 буолуохтаах. Ырыаны устан ыытыыга маннык хаачыстыбаны тутуhуу ирдэнэр: битрейт 128 кб/сек-тан намыhаҕа суох, частотата 44 кГц тэҥнэhэр буолуохтаах.

Кыттар туhунан илдьит ыытыы бэрээдэгэ

Күрэххэ кыттар туһунан сайаапканы кыттыан баҕалаах Тэрийээччи Sinilga69@mail.ru электроннай аадырыһыгар ыытар.
Сайаапканы кытары бэчээттэммит ылланар ырыа тылын толору тиэкиһин ыытар. Ырыа ааптардара ыйыллара булгуччулаах.
Кыттааччы «Ырыа кырдала» сайт анал сиригэр бэлиэтэнэр уонна күрэххэ анаммыт сиргэ MP3 форматтаах ырыатын бэйэтэ киллэрэн туруорар.
 
Күрэх түhүмэхтэрэ

1 түhүмэх – алтынньы 1  күнүттэн 25 күнүгэр диэри толоруллубут ырыа туhунан матырыйааллары этиллибит аадырыска ыытыы
2 түhүмэх – сэтинньи ый 25-гэр диэри «Ырыа кырдала» сайтка интернет нөҥүө куоластааhын
3 түhүмэх – ахсынньы ый 1 күнүгэр диэри күрэх түмүгүн таhаарыы

Дьүүллүүр сүбэ туhунан

Ырыа күрэҕэр ыытыллыбыт матырыйааллары маннык састааптаах Дьүүллүүр Сүбэ көрүөҕэ:

1. Алексей Егоров – Саха Сирин ырыа айааччыларын холбоhугун салайааччыта, Республика үтүөлээх артыыhа
2. Владимир Индигирскэй – Саха Республикатын культуратын үтүөлээх үлэhитэ
3. Евгений Тазетдинов – ырыа тыаhын-ууhун, доҕуhуолун таҥааччы, Саха Республикатын культуратын туйгуна
4. Михаил Семенов – ырыаны толорооччу, «Кыым» хаhыат корреспондена
5. Уххан – поэт, журналист
Кыайыылааҕы Дьүүллүүр Сүбэ быhаарар. Дьүүллүүр Сүбэ быhаарыыта бүтэhиктээх буолар.

Наҕараадалар, анал бириистэр

1 бириэмийэ - харчынан
2 бириэмийэ - харчынан
3 бириэмийэ – харчынан

Маны таһынан интернет нөҥүө куоластааhын түмүгүнэн «Истээччилэр сэҥээрбит ырыалара» диэн анал бириис олохтонор. Бу бириис «Кыым» хаһыат аатыттан туттарыллар.

Таптал туһунан ырыаҕа «Күрүлгэн» уус-уран, публицистическай альманах эбии бириис аныыр.

Дьүүллүүр Сүбэҕэ киирбит хас биирдии киhи анал бирииһи олохтуур.
 
Ону тэҥэ айар холбоhуктар, атын тэрилтэлэр, биирдиилээн дьон анал бириистэри олохтуохтарын сөп.
 
Кыайыылаахтары быһаарыы бэрээдэгэ

Кыайыылаахтары Дьүүллүүр Сүбэ толорооччу ырыаны толоруу, ырыа уус-уран таhымын көрөн, уопсай сүбэнэн быһаарар.
«Истээччи сэҥээрбит ырыата» бириис «Ырыа кырдала» сайт нөҥүө аһаҕас куоластааһын түмүгүнэн саамай элбэх куолаһы ылбыт толорооччуга бэриллэр.
 
Наҕарааданы туттарыы бэрээдэгэ

Толорооччуларга кыайбыттарын туhунан туоhу сурук туттарыллар, харчынан бириэмийэ бэриллэр.
Тэрийээччи наҕараадалары уонна анал бириистэри туттарыы буолар сирин, кэмин түмүк таҕыстаҕына «Ырыа кырдала» сайт нөҥүө биллэрэр.
Ыраах улууска олорор кыайбыт кыттааччы киин сиргэ сатаан кэлбэт түгэнигэр харчынан бириэмийэ уонна анал бириис почтанан тириэрдиллэр.

Ырыа күрэҕин балаhыанньата уларыйыытын туhунан

Тэрийээччи хаhан баҕарар балаhыанньа сүнньүнэн уларытыыны киллэрэр бырааптаах. Ол туhунан «Ырыа кырдала» сайт нөҥүө тутатына иhитиннэриэхтээх.
Күрэх чэрчитинэн тахсар ыйытыктары маннык электроннай аадырыска тириэрдиллэр: Sinilga69@mail.ru
 
Интернет нөҥүө ыытыллар Ырыа күрэҕэр кыттарга толоруллар сайаапка

Ырыа аата

Ырыа матыыбын айааччы толору аата

Ырыа тылын ааптарын толору аата

Ырыа хайдах толоруллара (доҕуһуола суох, доҕуһуоллаах - доҕуһуол көрүҥэ)

Толорооччу толору аата

Төрөөбүт сыла

Дьиэтээҕи аадырыһа

Тугу үлэлиирэ, дьарыга

Интернеккэ аата (аатын киэҥ араҥаҕа таһаарыан баҕарбат буоллаҕына)

Атын ырыа күрэхтэригэр кыттыыта

Төлөпүөннэрэ, электроннай аадырыһа
 
 
Балаһыанньаны нууччалыыттан сахалыы тылбаастыырга Михнаса Атласова көмөлөстө 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:

« Төттөрү
Ырытыылар (104)
 
Кенка   22 сентября 2008 13:57
Утуо кун! Учугэй баайы эбит маннык тэриллибитэ.Биир ыйытыы любой ырыа буолар дуу,биитэр авторскай эрэ буолуохтаах дуу?
Синильга   22 сентября 2008 14:00
Ханнык баҕарар ырыа ылланар.
Синильга   22 сентября 2008 14:32
Номнуо биир сайаапка киирдэ:-)
Айсен   22 сентября 2008 14:33
Ити ним ним, ьаьа;-)
Айсен   22 сентября 2008 14:35
Если что ити рэп буотах, хоьонноох попса:-)
Синильга   22 сентября 2008 14:56
Айсен, бастакы кыттааччы буолбуккунан эҕэрдэлиибин:-) Түргэниҥ да бэрт эбит:-) Ситиһиилэри!
эва   22 сентября 2008 14:57
маладьыаас Айсен)))
э5эрдэ уонна ситиЬиилэри))
эва   22 сентября 2008 15:02
оттон биьиги сатаан ырыалары истибэппит да? ханна хайдах хаьан истэбит?
Синильга   22 сентября 2008 15:08
Кэнники истиэххит.
Qwer   22 сентября 2008 15:10
Ырыалары мунньан баран анаммыт сиргэ истээччилэрбит уонна жюри дьүүлүгэр таһаарыахпыт.
..............................................................................................................................................................
Маннааҕыбын :)
Айсен   22 сентября 2008 15:10
бастакы кыттааччы буолбуккунан эҕэрдэлиибин:-) - Онно бэриис бэриллибэт да?:-))) аьаьаьа
Түргэниҥ да бэрт эбит:-) - эва5а махтал, кини субэлээн биэрдэ:-)
Синильга   23 сентября 2008 09:54
Айсен, күрэхпитин саҕалыы да иликпит, эн буоллар бэлиэр бириис көрдүүгүн:-)

Иккис сайаапка киирдэ.
Суурп   23 сентября 2008 21:31
Синильга, оттон эн бэйэц кыттар санаалааххын дуо?

Михнаса Атласова диэн СГУ саха тылыгар преподавателэ дуо? Мелтех тылбаас диэн быЬаччы этиэх кэрицнээхпин.
Синильга   23 сентября 2008 22:09
Тэрийээччи бэйэтэ кыттыбата өйдөнөр ини.

Михнаса Михайловна тылбааһын хайдах ылынарыҥ бэйэҥ дьыалаҥ.
5   25 сентября 2008 21:44
оссо маннык гыныахха соп. Барыларыгар цифровой фотоаппарат баара буолуо. Онно толорооччу видеоролик устар,
Например бу курдук http://play.ykt.ru/video/1749/Marie-Digby--You-Give-Me-Something
ону манна размещайданар. Уонна куоластанар.

Технически оноьуллуон соп.
Ынырык интириэьинэй буолуо...
Синильга боппуруостаах буоллаххына через "Недвижимость в Якутске" сайтынан контактка тахсаар.
Qwer   25 сентября 2008 23:59
Интересно...))
..............................................................................................................................................................
Маннааҕыбын :)
Синильга   26 сентября 2008 09:09
Күрэх концепциятын буккуйумаҥ эрэ:-) Оннук буолбат.
Айсен   27 сентября 2008 16:26
Батта ди:-)
Михаил   30 сентября 2008 06:08
Если кому нужна фонограмма или аранжировка - обращайтесь
Синильга   30 сентября 2008 12:03
Степан диэн 2-с сайаапканы ыыппыт кыттааччы, миэхэ ыыппыт ырыаҥ формата олох атын, ырыаҥ онно суох, рабочай столгуттан ярлыга эрэ кэлбитэ. Уонна ырыалары мейлбар бука диэн ыытымаҥ.

MP3 форматтаах ырыаҕытын "Ырыа күрэҕин кыттааччылара" диэн анал сиргэ бэйэҕит киллэрэҕит.

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).