Ырыа кырдала > Юргина Лана > КҮҺҮҤҤҮ НЬУРГУҺУН
КҮҺҮҤҤҮ НЬУРГУҺУН16 августа 2007, 00:08. |
Лана Юргина тыллара
Күһүҥҥү ньургуһун син эмиэ, Сүрэҕи үөрдээри үүнүөҕэ. Күһүҥҥү ньургуһун син эмиэ, Дьоллонон ситээри турдаҕа. Хоҥкуйан, нуоҕайан турдунууй, Лыҥкыныы, чугдаара туойдунууй, Түгэҥҥэ дьоллонон үөрдүнүүй Тоҥуй да сүрэҕи үөртүнүүй. Саас эрэ кэрэ кэм кэлэрин Сир ийэ күөҕүнэн ситэрин Барыта кэмигэр, буоларын Бааһар да, мөккүһэр туһум суох. Ол эрэн нуоҕайан турдунууй, Лыҥкыныы, чугдаара туойдунууй, Түгэҥҥэ дьоллонон үөрдүнүүй, Тоҥуй да сүрэҕи үөртүнүүй. Ол эрэн күһүҥҥү ньургуһун Симэнэн ситэрин күүтэҥҥин, Хаһыҥҥын таһынан аһаран Күһүнүөм, тохтуу түс анааран. Хоҥкуйан-нуоҕайан ситтиниий Лыҥкыныы, чугдаара түстүнүүй Тапталтан дьоллонон үөрдүнүүй Бар дьоҥҥо махталын тиэртиниий. « Төттөрү |