Уруйдаана Харитонова уонна Сайсары-Куо

Биһиги бүгүҥҥү ыалдьыттарбыт Уруйдаана Харитонова кыыһынаан Сайсары-Куолуун

 

"Төрөппүттэрбинэн киэн туттабын уонна дьылҕабар махтанабын"

Уруйдаана, биһиги саайпыт ыалдьыттара Сайсары Куоттан интервьюта ылан таһаарарыҥ буоллар диэн баҕа санааларын эппиттэрэ ыраатта. Дьон санаатыгар утары баран эн Сайсарылыын интервью биэрэргэ сөбүлэспиккитигэр махтанабыт. Саайт үгэһинэн, бэйэни билиһиннэрии бэрээдэгинэн кэпсии түһүҥ эрэ.

Мин толору аатым Харитонова Уруйдаана Павловна. Төрөппүттэрим туһунан кылгастык кэпсиир буоллахха, ийэм Харитонова (Сивцева) Софья Петровна Уус-Алдан Найахытыттан төрүттээх, идэтинэн атыыһыт. Аҕам Харитонов Павел Николаевич Хаҥалас Булгунньахтааҕыттан, Тойон Арыытыттан төрүттээх, саха тылын учуутала, кэлин кыраайы үөрэтэр музей директора, культура үтүөлээх үлэһитэ, улуус бочуоттааҕа, Россия суруйааччыларын сойууһун чилиэнэ.
Мин Покровскайдааҕы орто оскуола кэнниттэн музыкальнай училищеҕа туттарсыбытым. Үөрэнэ сылдьан 3-с куурстан «Туймаада» ансаамбылга саҥа тэриллэн эрдэҕинэ киирбитим. Былырыын СГУ ФЯФиК кэтэхтэн үөрэнэн бүтэрбитим. Билигин бэйэбин атын хайысхаҕа көрдөнөбүн уонна кыралаан кыыспынан дьарыктанабын. Сайсары диэн бэйэтин аата, сааһа уон алтата, 9-с кылаас кэнниттэн музыкальнай училищеҕа туттарсан, фортепианнай отделение I куурсун бүтэрээри сылдьар. Кини төрөппүт аҕата Семенов Степан Степанович Бүлүү Тыымпытыттан төрүттээх, «Айтал» рок-бөлөххө солиһынан сылдьыбыта.

Сайсарыны «Этигэн Хомус» 2007 сыл түмүгүнэн «Сыл бастыҥ ырыаһыта» номинация кыайыылааҕын аатын ылбытынан эҕэрдэлиибит. Дьон бары кэриэтэ ылыан ылла диэн бэлиэтииллэр. Конкурс түмүгүнэн эһиги санааҕыт?

Биһиги санаабытыгар «Этигэн Хомуска» кыайыыны «Саҥа ырыаҕа» кыттыыбыт аҕалла. Конкурс уопсай тэрээһинэ сылтан сыл тупсан иһэр. «Этигэн Хомус» саха ырыатын кэтэһиилээх, күүтүүлээх бырааһынньыгар кубулуйда диир кыахтаахпыт.

Уопсайынан маннык «Этигэн Хомус», «Саҥа ырыа» курдук ырыа конкурстара наадалар дуо? Кинилэр сүрүн сыаллара-соруктара туох буолуохтааҕый? Ол сыалларын ситиһэллэр дии саныыгыт дуо?

Олус наадалаах күрэхтэр дии саныыбын, иккиэн ырыа уонна ырыаһыттар пропагандаларыгар үлэлииллэр эрээри, бэйэ бэйэлэриттэн уратылар уонна бэйэ бэйэлэрин ситэрсэн биэрэллэр. Сыалларын-соруктарын толороллор. «Этигэн Хомуска» күрэххэ үксүн норуокка биллибит ырыаһыттар биһирэнэллэр, онтон «Саҥа ырыаҕа» үксүн саҥа ааттар күөн көрсөллөр гынан баран, биллиилээх да ырыаһыт саҥа ырыалаах буоллаҕына кыттыан сөп. Күрэхтэр сылтан сыл сайдан иһэллэр, кыра сыыһалар-халтылар туһаҕа эрэ бараллар. Биллэн турар «Этигэн Хомус» радионы сөбүлээн истээччилэргэ үлэлиир, ол гынан баран ыраах улуустар ону кыайан истибэттэр, онтон «Саҥа ырыа» күрэҕэ телевидение көмөтүнэн бүтүн республика үрдүнэн ырыаһыты илэ көрдөрөр, көрөөччү ирдэбилэ да, ырыаһыт таһыма да үрдүүр, ырыаны толоруу ньымата да сайдар. Бастаан биллиитэ суох эдэр ырыаһыт «Саҥа ырыаттан» кынаттанан кэлин «Этигэн Хомуска» тиийэн Саха эстраадатын маастардарыгар киирсиэн сөп.
 
Сайсары, ийэлээх аҕаҥ курдук ырыаһыт буолан эрэр киһиттэн дьон элбэҕи эрэйэр, кэтэһэр буолуохтаах. Куттаммаккын дуо маннык эппиэтинэстэн?

Куттанабын эрээри төрөппүттэрбинэн киэн туттабын уонна дьылҕабар махтанабын. Кинилэри холобур оҥостон уонна ситиһиилэриттэн тирэхтэнэн өссө элбэҕи ситиһиэхпин баҕарабын.

Уруйдаана, эн кыыскар төһө ирдэбиллээххиний?

Төрөппүт оҕотун олоҕор, инникитигэр кыһаллар, саныыр буоллаҕына ирдэбил баар буолуохтаах.

Уруйдаана, Сайсары кыра эрдэҕиттэн ыллыыр дьоҕурдаах дуо биитэр толорооччу быһыытынан кэнники арылынна дуу?

Эрдэ биллэр этэ буолан баран ыллыыр дьоҕур уонна толоруу искусствота тус туһунан өйдөбүллэр дии саныыбын. Ырыа толоруутугар ылсыбыппыт иккис эрэ сылыгар барда, өссө да үөрэнэрбит элбэх.

Уопсайынан бары да айар куттаах дьон эбиккит. Аҕаҥ Павел Харитонов тылларыгар «Тапталлаах куоратым» Сайсары толоруутугар ырыаҥ былырыыҥҥы «Саҥа ырыаҕа» «Бастыҥ мелодия» анал бирииһи ылбыта. Билигин да радиоҕа элбэхтик сакаастанар. Ону таһынан быйылгы «Этигэн Хомуска» Сайсары «Аламаҕай Айыы кыыһа Аар хатыҥ» диэн эмиэ эн ырыаҕынан «Сыл бастыҥ саҕалааччыта» номинацияҕа кыайбыта. Өссө атын ырыаларгын ааттаталаа эрэ.

Пантелеймон Тулааһынап тыл. «Түүл»; Моисей Ефимов тыл. «Эйиэхэ төрөөбүт күҥҥүнэн», «Көрсүһэ кэлиэҥ дуо?», «Таптаа миигин»; Анна Парникова тыл. «Кыргыттар», «Түүҥҥү ардах»; Платон Ойуунускай «Кэтэһии»; Михаил Тимофеев «Хатыҥ», «Саас иһэр», «Айыым кыыһа Аар- Хатыҥ», Павел Харитонов-Ойуку «Ахтылҕан», «Кыысчааммар», «Тапталлаах куоратым» уо.д.а.

Уруйдаана, ырыаларыҥ туох эрэ ураты лирикалаахтар, матыыптаахтар. Эн бэйэҥ туох музыканы истэргин сөбүлүүгүнүй, музыкаҕа холобур оҥостор дьоннордооххун дуо?

Элбэх, бэйэбит республикабыт иһинэн эттэххэ норуот ырыаһыттарыттан саҕалаан аныгы автордарга тиийэ.

Сайсары, эн бэйэн ырыа суруйарга холонон көрүөххүн баҕарбаккын дуо?

Онно санаммаппын, импровизациялыырбын эрэ сөбүлүүбүн.
 
Уруйдаана, эйиигин «Туймаада» ансаамбылтан барбыт дииллэрэ кырдьык дуо? Билигин тугунан дьарыктанаҕыный, туох былааннааххын айар үлэҕэр?

Кырдьык. Билигин бэйэбин атын хайысхаҕа көрдөнөбүн, кыралаан Сайсары репертуарынан дьарыктанабын, ол гынан баран үөрэҕэр мэһэйдээбэтин курдук. Былаан элбэх, улаханнык саҥарыахпын баҕарбаппын, табылыннаҕына көстөн иһиэ.
 
Сайсары, эн саамай күүскэ баҕарар баҕа санааҥ тугуй? Олоххун ырыаны кытта сибээстиир былааннааххын дуо?

Саха ырыата-тойуга сайдыан, Аан дойду таһымыгар тахсыан баҕарабын.

«Ырыа кырдала» саайт ыалдьыттарыгар уонна бэйэҕит сүгүрүйээччилэргитигэр тугу баҕарыа этигитий? Уонна ханнык ырыаларгытын бэлэхтиигитий?

Туох баар бары үтүөнү-кэрэни, ситиһиини, сайдыыны, олоххо эрэли, тапталы!

Уонна күндү истээччилэрбит болҕомтолоругар биһиги ырыаларбыт:




«Тапталлаах куоратым» (скачать)

(Павел Харитонов-Ойуку тыллара, Сайсары Байбал Сэмэнэптиин толоруута)

[audio=http://sanaalar.ru/uploads/files/taptallaax%20kuoratum.mp3]

«Аламаҕай Айыы кыыһа Аар-Хатыҥ» (скачать)

(Михаил Тимофеев тыллара, Сайсары толоруута)

[audio=http://sanaalar.ru/uploads/files/aar%20xatun.mp3]

«Кыысчааным» (скачать)

(Павел Харитонов-Ойуку тыллара, Уруйдаана толоруута)


«Туохтан эбитэй» (скачать)

(Баал Хабырыыс тыллара, Уруйдаана толоруута)

[audio=http://sanaalar.ru/uploads/files/tuoxtan%20ebitei.mp3]


Кэпсэттэ СИНИЛЬГА

Все материалы  раздела «Саайт ыалдьыттара» принадлежат автору проекта и могут быть использованы только с согласия автора. Все права на исходные аудиоматериалы принадлежат их авторам и владельцам. Аудиоматериалы предоставлены исключительно для ознакомительного прослушивания.
[/left]

 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.

Майгынныыр сонуннар:


« Төттөрү
Ырытыылар
 
Хисматумра   2 сентября 2009 15:47
Я тоже её знаю. Очень хороший человек, не звездит. Весёлая, скромная девочка.
Ньукулааскы   18 ноября 2009 16:11
Сайсары уонна Уруйдаана ырыаларгыт олус учугэйдэр так держать ити курдук салыы элбэх ХИТ ырыалары айа, ылыы-туойа турун.
Лана   8 января 2010 00:05
Сайсары "Тапталлаах куоратым" уонна "Алама5ай Айыы Кыыьа Аар-Хатын" диэн ырыалара ордук учугэйдэр уонна Сайсарыга ба5арыам этэ ситиьииллэри,тапталы,кытанах доруобуйаны,дьолу-соргуну!! тапта тапталлах буол!!УДАЧИ ТЕБЕ
Валентин   6 февраля 2010 23:45
Наhаа учугэй кыыскын дии:)
Валентин   6 февраля 2010 23:46
Таптыыбын эйиигин:)
Валентин   6 февраля 2010 23:46
Астынабын эйиигин:)
Валентин   6 февраля 2010 23:47
Саныыбын эйиигин:)
Валентин   6 февраля 2010 23:49
Эйиигин эрэ кытта буолуохпун ба5арабын:)
Валентин   6 февраля 2010 23:50
эн куоласкын истэммин наhаа уорэбин :-)
Валентин   6 февраля 2010 23:51
эйиигин эрэ таптыыбын
Валентин   6 февраля 2010 23:58
итэ5эй ном. эйиэхэ баар Мичил диэн буолуо, но я не Мичил, Я Валентин, почему ты сомной не хочешь сомной познакомится, Я ХОРОШЙ :-)
Валентин   7 февраля 2010 00:01
Мегафон буолуо , мин уже манна киирбэтим буолуо, ном. ыытаар
Саха саарына   9 марта 2010 07:07
Сайсары куо эн наьаа учугэй кыыскын,ырыаларын да эмиэ оннуктар wink
Саха саарына   9 марта 2010 07:11
дьээрэ на сайсарыны биэр киьи кэпсээ эрэ
Ньургун Боотур   9 марта 2010 07:30
Дьээьээ бооьоо саха кэрэ нарын-намчы,уьун суьуохтаах,уьун унуохтаах,буспут моонньо5он курдук хара харахтаах,буспут дьэдьэн курдук уостаах,сымна5ас майгылаах,кэрэ куоластаах кыыьы кытта билсиэхпин ба5арабын.
Qwer   9 марта 2010 11:50
Цитата: Ньургун Боотур
Дьээьээ бооьоо ...

lol
..............................................................................................................................................................
Маннааҕыбын :)
ИСТЭЭЧЧИ   28 октября 2010 10:24
сайда тур диэпин ба5арабын.ынырык учугэйдик ыллыыгын желаю удачи
Горнай кыыьа   23 марта 2011 11:14
Горнайга кэлэ сылдьар былааннахын дууу?
А.Айаана   17 марта 2013 13:27
Уруйдаана, эьиги "Сана ырыа5а" кыттаргытыгар сахалыы сонун костуулээх танастаах этигит. Мин быйыл оскуоланы бутэрэр сылбар эмиэ сахалыы колориттаах выпускной былааччыйалаах буолохпун ба5арабын.
Эьиги тугу субэлиэ этигитий ?

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".