Ырыа кырдалын ыалдьыта Сэргэй
Талах курдаах талыы-талба Таатта уола Сергей Попов, дьоҥҥо биллэринэн Сэргэй. Кыыс уйан сүрэҕин алыптаах ырыаларынан, куолаһынан туппут эдэр ырыаһыт. Бастаан биллибитэ «Куотуоҥ суоҕа» диэн ырыатынан. 2006 сыллаахха «Саҥа ырыа» уонна «Этигэн хомус» конкурстарга кыттыбыта.

 

 

 

Сэргэй - Дорообо!

Тая - Кыра сылдьан ким буолуоххун баҕарар этигиний?

Сэргэй - Оҕо сылдьан мин баҕа санаам диэн син эмиэ саастыылаахтарым курдук, күннэтэ массыына-трактор оонньуурдаах сырсарбыт быһыытынан, механизатор буоларга этэ.


Тая - Оттон ырыаһыт буолар сана хаһан үөскээбитэй?

Сэргэй - Ырыаһыт буолар санаа миэхэ олох үөскээбэтэҕэsmile Маҥнай сыанаҕа тахсыым күһэйии быһыытынан этэ. Уолаттары кытары сакалааттаһан баран аан маҥнай банкеппар ыллаабытым. Онтон улахан сыанаҕа тахсыым арааһа 1999 сыллаахха ЯГУ Культурнай киинигэр этэ. Оччолорго «Гитарные песни-2000» диэн конкурс буолбута.

Тая – Туох эмит ситиһии баара дуу ол конкурска?

Сэргэй – Бу конкурска ырыаны гитара доҕуһуолунан толоруохтаах этибит. Уопсайа 70-ча ырыаһыт кыттыбыта. Олортон отборочнайга 50 киһи туораан 25 киһи хаалбыта. Конкурс түмүгүнэн Гран при хаһаайынынан Сергей Бандеров буолбута.

Тая - Бэйэҥ туһунан кыратык кэпсиэҥ дуо?

Сэргэй - 1980 сыллаахха төрөөбүтүм. Таатта Чымнаайытабын. Кэргэннэнэ сылдьыбытым. Кыыс оҕолоохпун. Билигин иккис үөрэхпэр үөрэнэбин. Чымнаайыга баһылык солбуйааччытынан үлэлиибин. Иллэҥ кэммэр ыллыырбын, киинэ көрербүн сөбүлүүбүн. Иллэҥ кэмим суох даҕаны. Уонна тугу кэпсиэххэ сөбүй? Ким билэр:)

Тая - Звезднай ыарыынан ыалдьаҕын дуо?

Сэргэй - Звезднай ыарыы диэн суох. Ол эрэн киһи бэйэтигэр ирдэбиллээх буолуохтаах. Бэйэҕэр сыана туруорунуохтааххын дии саныыбын.

Тая – Бэйэҕин хайдах сыаналанаҕын? smile

Сэргэй - Оннук диэбэтим чуолкай.smile Хас биирдии киһиэхэ таһым диэн баар. Хайа эрэ киһи аттыгар тиийдэххинэ, кэпсэттэххинэ баһыйтараҕын, хайа эрэ киһи эйиэхэ баһыйтарар. Онно элбэх оруолу үөрэх, билии, кэпсэтии тутула, өй-санаа быһаарар. Оннук. Мин салайааччы буоларым быһыытынан үрдүк таһымнаах буоларга дьулуһабын. Ол аата үөрэнэбин.

Тая - Айар үлэҕэр билигин туох былааннааххыный?

Сэргэй - Билигин PRO TOOLS диэн профессиональнай звуковой программа ылыммытым. Онтукабын үчүгэйдик хаһыспыт, үөрэммит киһи дии саныыбын. Саҥа гитара ылыммытым. Онтубун PRO TOOLS-ка записьтаан кристальнай, объёмнай тыас таһаараарыахпын баҕарабын. Саҥа ырыа суох кэриэтэ.

Тая – Бэйэҥ ырыаларгыттан саамай ханнык ырыаҕын сөбүлүүгүнүй?

Сэргэй - Бэйэм ырыаларбын тоҕо эрэ сөбүлээбэппин - иэйиитэ суох тахсар курдуктарsmile "Киэһээҥҥи Бүлүү", "Сахам сирин таптыыбын" "Хаалларыма" курдук биллэр, классики ырыалары ыллыырбын сөбүлүүбүн.

Тая - Саамай бастакы «Саҥа ырыаҕа» кыттыбыт эбиккин дии. Билигин көрөн олорон туох дии саныыгыный билиҥҥи «Саҥа ырыа» туһунан?

Сэргэй - 2006 сыллаахха "Саҥа ырыа" иккис төгүлүн буолбута. Билигин «Саҥа ырыа» сайдыы бөҕөтө буолбут. Өссө да сайда турдун.

Тая – Билиҥҥи саҥа ырыаһыттартан кими сэҥээрэҕин?

Сэргэй - Далаана, Косиор Карманов, Лэгэнтэй туспа суоллаахтар, атыттартан атыннарsmile

Тая - Ханнык ырыаһыты сөбүлээн истэҕиний?

Сэргэй - Тоҕоостоох кэмнэргэ, санааҕа ыллардахха, ол санааҕар сөп түбэһэр матыыптаах эбэтэр тыллардаах, иэйиилээх, дууһалаах ырыалары, онно сөп түбэһэр куоластаах ырыаһыттары сөбүлүүбүн. Ол эрэн онтум нөҥүө күнүгэр уларыйыан сөп. Холобура, Галина Шахурдина "Алгыс ырыатын" сыбаайбаҕа сөбүлүү истиэҥ, оттон күн аайы ол ырыаны сөбүлээн истэн олороруҥ саарбахsmile

Тая - Сүрэҕиҥ аҥарын булбутуҥ дуо?smile

Сэргэй - Хм... Туох диэххэ сөп эбитэ буолла. Ис киирбэх дьоннор бааллар бөҕө буоллаҕа дии:)) Сарсыҥҥыны билбит суох.

Тая – Туох туһугар айар үлэҕин быраҕыаҥ этэй?

Сэргэй - Мин айар үлэм диэн биирдэ эмэ ырыа айабын, сороҕор уруһуйдуубун, ардыгар уһанабын, хоһоон, кэпсээн да суруйабын. Ардыгар укуол туруорабын, система да туруоруохпун сөп. Тыраахтары үчүгэйдик ыытабын. Массыынабын оҥосторбун сөбүлүүбүн. Ити барыта син туох эмэ наадалаах буолара буолуо. Онон бу ыйытыыга эппиэт биэрэрбин туттунуумsmile

Тая – Оччоҕуна айар үлэҥ диэн олоҕуҥ барыта буоллаҕа дии

Сэргэй - Киһи сылдьарын былаһын тухары тугу эрэ толкуйдуу, айа сылдьар дии саныыбын, холобура, минsmile.

Тая – «Ырыа кырдала» саайт ыалдьыттарыгар туох диэн баҕа санааҕын тиэрдиэҥ этэй?

Сэргэй - Сахалыы ырыаны таптааҥ. Сахалыы ырыа ис дууһатын, иэйиитин таба иһиттэххитинэ, ылыннаххытына, олоххутугар баар ыарахаттаргыт чэпчээн биэриэхтэрэ.

Уонна мин "Көрдөһүөм этэ" диэн ырыабын истэргитигэр ыҥырабын.

 



Көрдөһүөм этэ

Скачать [3,38 Mb] (cкачиваний: 5)

 

Кэпсэттэ ТАЯ

 

Все материалы сайта принадлежат автору проекта и могут быть использованы только с согласия автора. Все права на исходные аудиоматериалы принадлежат их авторам и владельцам. Аудиоматериалы предоставлены исключительно для ознакомительного прослушивания. 

 


 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.

Майгынныыр сонуннар:


« Төттөрү
Ырытыылар
 
as   27 ноября 2008 14:17
+1
Владимир   30 ноября 2008 17:44
билинни саха эстрадатыгар быстах тыллаах ырыалар хара баhаамнар ону эн эдэр киhи туох диэн санаалааххын ?
ьэргэй   29 апреля 2010 17:34
Быстах тыллаах ырыалар бааллар. Олохпут ирдэбилэ эбитэ дуу?Олору туоратарга урукку курдук литературнай критика баара буоллар.
зинуль   1 мая 2010 18:07
бэйэм эмиэ пою но инник песни меня бесят
Хатыына   15 мая 2010 11:27
Сэргэй учугэй ырыаьыт

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).