«Сырдык сүүрээн»
 
Биһиги кэргэмминээн Екатериналыын «Сырдык сүүрээн» диэн ааттаах оҕо эстраднай студиятын тэрийэн оҕолору кытта дьарыктаммыппыт 4 сыл буолла.
 
Өксөкүлээх культура киинин иһинэн үлэлиибит. 7-тэн 17-ҕэ дылы оскуола саастаах оҕолору дьарыктыыбыт. Күһүн аайы кастинг ыытабыт уонна сыл устата сыыйыллыбыт оҕолор оннуларыгар саҥа оҕолору талабыт. Студиябытыгар билигин 16 оҕо дьарыктанар. Наһаа кэҥиир, элбиир айымньылаах үлэҕэ тоҕооһо суох, тоҕо диэтэххэ хас биирдии оҕону кытта индивидуально дьарыктанабыт. Ону таһынан өрөбүллэргэ хоровой, ансамблевай ырыаҕа дьарыктыыбыт.
Быйылгы сезоҥҥа дьарыктаммыт оҕолор сүрдээх талааннаах, кэнэҕэскилээх оҕолор буолуохтара диэн эрэнэбит. Ортону үрдүнэн уустук ырыалары хайа баҕарар толорор, ыллыыр буоллулар. Быйыл «Поющая Туймаада» диэн оҕолорго аналлаах хоровой коллективтар күөн күрэстэригэр лауреат үрдүк аатын ылбыппыт. Быйылгы «Хотугу Сулус» оҕо ырыатын күөн күрэҕэр 8 оҕобут бэйэлэрин бөлөхтөрүгэр лауреат буоллулар.
Үгүс элбэх республиканскай, правительственнай таһымнаах концердарга кыттабыт. Репертуары талыыга оҕо айылҕаттан бэриллибит куолаһын дьоҕурун сайыннарыыга, таһаарыыга дьаныһан үлэлиибит. Ол иһин ыллыыр оҕо кыаҕыттан, таһымыттан көрөн репертуары талыыга улахан болҕомтону уурабыт. Оҕо тугу ыллыырын, тылга сыһыанын, ырыаны ис хоһоону өйдөөн ыллыырын ситиһэ сатыыбыт. Ол иһин үчүгэй матыыптаах, тыллаах-өстөөх ырыалары иҥэрэ сатыыбыт. Оҕо элбэх концердарга кыттан, коллективка үөрэнэн кэнэҕэскитин тулалыыр эйгэни, айылҕаны сатаан анааран өйдүүрүгэр, дьону-сэргэни кытта алтыһарыгар бу студияҕа дьарыктаммыттара улахан оруолу оонньуо дии саныыбыт. Биһиги сүрүн сыалбыт музыкаҕа, тылга-өскө ураты сыһыаннаах буолууларын ситиһии. Идэлэрин талалларыгар культура эйгэтинэн бараллара бэйэлэриттэн тутулуктаах. Кылаабынайа, үрдүк культууралаах, дьоҥҥо үчүгэй сыһыаннаах, айылҕа, дойду, дьиэ-кэргэн диэн тугун, өйдөбүлүн сиһилии өйдөөтөхтөрүнэ - ол аата ситиһии. Иитиллээччилэрбититтэн биир даҕаны оскуолаларыгар ортотук үөрэнэр оҕо суох, үксүлэрэ үөрэх туйгуннара, оскуола активистара.
Сыл аайы саҥа программанан Дьокуускай куорат олохтоохторугар, ыалдьыттарыгар концердары көрдөрөбүт . «Хотугу сулус» телерадиоакадемияны кытта өйдөһөн оҕо айар эйгэтэ сайдыытыгар бииргэ алтыһан үлэлиибит. «Хотугу Сулус» телерадиокомпания сыл аайы концердарбытын устар, көрдөрөр.
Оҕолорбут үгүс Аан дойду, Россия, Сахабыт Сирин күөн күрэстэрин кыайыылаахтара. Уопсайынан, киһиэхэ барыта кэрэ буолуохтаах диэн өйдөбүлү тутуһан үлэлиибит.

Эһиги болҕомтоҕутугар студиябыт иитиллээччилэрин толорууларыгар ырыалары таһаарабыт. Истиҥ, сыаналааҥ.

Алексей ЕГОРОВ –
Саха Республикатын үтүөлээх артыыһа, Саха Республикатын ырыа айааччыларын сойууһун бэрэссэдээтэлэ


«Күөрэгэйдэр кэллилэр» (скачать) - Сандаара Яковлева

[audio=http://sanaalar.ru/uploads/files/kyoregeider%20kelliler.mp3]

«Сүрэҕи үөрдэр ырыа» (скачать) - Сандаара Романова
[audio=http://sanaalar.ru/uploads/files/syregi%20yorder%20urua.mp3]

«Тапталлаах куоратым» (скачать) - Даша Андросова
[audio=http://sanaalar.ru/uploads/files/taptallaax%20kuoratum%20ds.mp3]

«Алдан» (скачать) - Катя Пинигина

«Хайыаҥ этэй?» (скачать) - Алеша Винокуров
[audio=http://sanaalar.ru/uploads/files/xaiuan%20etei.mp3]

«Тахсыах эрэ күүлэйдии» (скачать) - ансамбль

«Аар хатыҥ» (скачать) - ансамбль

 

[audio=http://sanaalar.ru/uploads/files/aar%20xatun%20ds.mp3]

 


 
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.

Майгынныыр сонуннар:


« Төттөрү
Ырытыылар
 
Ирина   25 июля 2008 11:40
Екатерина, Алексей!
Молодцы. Так держать.
Анатолий Горохов   11 августа 2008 11:02
Екатерина, Алексей эhиги улэ5итин сыаналыыбын уорэтэр о5олоргут сайдан ырыhыт урдук аатын суктуннэр дьоллоох - буолун!
Синильга   14 августа 2008 23:10
Айпины соһуйа көрүмэҥ. Qwer тугу эрэ көннөрөн суруйбутугар биһиги айпибытыттан суруллубут курдук буолбут.
сандаара   7 сентября 2008 00:59
Егоровтар айымньылаах улэлэрин урдуктук сыаналыыбын,кэлэр кэнчээри ыччакка улэ5итин коро-истэ сылдьабын.талааннаах,ба5алаах о5олору киэн эйгэ5э таhаарын,суолдьут сулус буолун!
ньыкы   16 сентября 2008 09:21
Студия5ыт сахалыы аата суох эбит дии? Соторутаа5ыта цирка5а буолбут кэнсиэри телевизорынан кербутум. Наьаа учугэйдик ыллыыр о5олор дии санаабата5ым. То5о эрэ. Хайдах эрэ ыллыылларыгар Егоровтар курдук ыллыыллар, бэйэлэрэ суоллара суох курдук. ити мин санаам
Сардаана   17 сентября 2008 17:51
Сана кастинг хаhан, ханна буолар?
Синильга   17 сентября 2008 19:57
Ньыкы, "Сырдык сүүрээн" диэн сахалыы буолбатах дуо?:-)
юлияна   11 апреля 2010 17:07
сардаана Бондарев тылларыгар ким ыллыырый, уонна ону хантан булуохха собуй
юлияна   11 апреля 2010 17:18
"Сардаана" сл.А.Бондарев ким ыллыырый помогите басаалыста срочно этин
Sainna   24 апреля 2013 15:26
Алексей, Екатерина, эhиги кэрэ эйгэтигэр улэ5итин урдуктук сыаналыыбын. Орконноох Харысхан кып-кыра эрдэхтэриттэн бииргэ ыллаhан, кэрэ алыбар ылларан билигин да ыллыы-туойа дьону уордэ сылдьалларыттан со5обун уонна уорэбин эрэ. Ол Ийэ-А5а элбэх сыратыттан, уостубат тапталыттан та5ыста5а. Бэйэ5итигэр, о5олоргутугар, сиэннэргитигэр, уорэнээччилэргитигэр чэгиэн-чэбдик оло5у, бар5арыыны, табыллыыны ба5арабын. Кэрэ ырыаларгытын кэрэ куоласкытынан истээччилэргэ сыдьаайа турун ;)

Ырытыыга кыттабын




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).