ААН ДОЙДУМ – СОҔОТОХ ТАПТАЛЫМ Печать    
В. Тимофеева тыла

Күөх халлаан күлүмүн анныгар
Күн уотун сылааһар куустаран,
Күндээрэ, мэндээрэ тураҕын
Көрүөхтэн кэрэтик тунааран.

Аан дойдум, Аан дойдум -
соҕотох тапталым.

Таптыыбын дьүкээбил оонньуурун,
Араас суол өҥүнэн киэргэммит
Сайыҥҥы дьэрэкээн кустуккун,
Саһарҕаҥ сандаара кыыһарын.

Аан дойдум, Аан дойдум -
соҕотох тапталым.

Баараҕай барҕа баай дойдубар
Баҕабыт бастыҥын таламмын
Сүрэҕим төлөннөөх иэйиитин
Сүүмэрдээн, айхаллаан аныыбын.

Аан дойдум, Аан дойдум -
соҕотох тапталым.

Ийэбит кэриэтэ буолаҕын,
Иитэҕин бар дьоҥҥун барытын,
Ол иһин эйигин таптааммын
Дууһабын долгута ыллыыбын.

Аан дойдум, Аан дойдум -
соҕотох тапталым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).