ДОЙДУМ-ӨЛӨӨН БАРАХСАН Печать    
В. Тимофеева тыла

Өлөөн Эбэм барахсан
Сааскы мууһун уулларан,
Салааларын ууларын
Саба тардан ылыаҕа.

Өлөөн Эбэм барахсан
Өрө үллэр долгуннаах,
Өрүү устар сүүрүктээх,
Өлгөм эмис балыктаах.

Дойдум Өлөөн барахсан
Булчут, табаһыт дьоннордоох,
Бурҕачыйар буруолаах,
Мустан олорор ыаллардаах.

Дойдум Өлөөн барахсан
Атаранан айаннаах,
Адаар муостаах табалардаах,
Араас күндү баайдардаах.

Өлөөн Эбэм барахсан
Атырдьахтыы майгыннаах,
Адаарыспыт хайалардаах,
”Арҕаа Салаа” аҥардаах.

Өлөөн Эбэм барахсан
Үҥүү курдук хайалардаах,
Үктэнэргэ аналлаах
Үрдүк кирилиэс таастардаах.

Сайын хаарыс күөҕүнэн
Суугуначчы симэнэн,
Кыһын маҥан солконон
Сүктэр кыыстыы киэргэнэн.

Дойдум Өлөөн барахсан
Дьоһуннаахтык тупса тур,
Үүнэн, сайдан, барҕаран,
Үйэлэргэ туругур!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).