ДЬОЛЛООХ БУОЛУҤ! Печать    
Христофор Горохов тыллара

Дьоллоох буолуҥ — ийэ курдук
Дьону чиэстии, ытыгылыы,
Буһан эрэр күннээх бурдук
Көмүс дуйдаах туораҕыныы.

Хос ырыата:

Дьоллоох буолуҥ — оҕо курдук
Саҥа тыллар сибэккилии,
Халлаан түөһүн кууһар кустук
Сүрэхтэри үөрдэринии.

Дьоллоох буолуҥ — алгыс курдук
Саҥа ыалы эҕэрдэлии,
Киэһэ өрүс оонньуур уустук
Долгунунуу сири симии.

Хос ырыата.

Дьоллоох буолуҥ — өбүгэбит
Олоҥхотун дойдутунуу,
Ахтар, күүтэр кэрэлэрбит
Сиэттистиннэр, оҕуруолуу...

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).