СИБЭККИ ХАРАҔЫН УУТА Печать    
Моисей Ефимов тыллара

Туох буолан бу чэбдик сарсыарда,
Сибэкки, төбөҕүн хоҥкуттуҥ?
Көрдөөх бэйэҥ хараастан
Хараҕыҥ уутун эн тохтуҥ?

Хос ырыата:

Сибэкким: «Билэбин, көр,— диэтэ,—
Аны саас тырымнаан мин тахсыам.
Бу тохпут хараҕым уутуттан
Биир бэйэм биэс буолан мин тыллыам».

Күһүҥҥү күөйэн иһэр диэн,
Сайыҥҥын сайыһан ытаатыаҥ?
Кырдалы өртөөн эрэрдии,
Кытара кыыспыт кытыан.

Хос ырыата.

Кутааланан эрдин чэ күһүн,
Куттаныма онтон, сибэкким.
Эн өлбөт үрдүк төлкөҕүн
Арааһа билбэт эбиккин.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).