МИН КИСТЭЛИМ Печать    
Иван Гоголев тыллара

Хатыҥ мас күлүгэр
Хараан киэһэ мин
Эппитим биэбэйбэр
Нарын кистэлбин.

Хос ырыата:

Аар хатыҥ сарсыарда
Тыалга сипсийбит,
Ааргы тыал истээт да,
Ааһа тэбиммит.

Күөрэгэй ыллаабыт
Отчут уолчааҥҥа,
Уол эппит ыанньыксыт
Эдэр кыысчааҥҥа.

Хос ырыата.

Билигин мин нарын
Кистэлбин, сэгээр,
Сир, халлаан, дьон бары,
Бары билэллэр.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).