КӨРСҮҺҮҮ

И. Петров тыллара

Мууһа бүппүт алаас күөлгэ
Мустар көтөр үөрүн курдук,
Сарбынньахтардаах сааскы күөххэ
Сайылыкка көспүт курдук.

Xос ырыата:

Онус кылаас түмүстүбүт,
Оскуолаҕа көрүстүбүт.
Үөрэх, үлэ суолун аспыт
Үүнэр, сайдар оскуолабыт.

Кырдалыгар мунньустаммыт
Кылыстыбыт, сырыстыбыт,
Хоһоон ааҕа, ыллыы-туойа
Кылааспытын киэргэттибит.

Хос ырыата.

Алтан чуораан аартыгынан
Ахтыстыбыт үөрэх дьылын,
Аҕа дьоммут, учууталбыт
Алгыс тылын астынныбыт.

Xос ырыата.