ОЙУҺАРДААХ ЭБЭКЭМ

Егор Лаптев тыллара

Арыы, сүөгэй сүүрүгүрэр
Айгыр-силик айылҕалаах,
Балык сэмсиир, көтөр сүүрэр
Дьэрэлийэр дэлэй уулаах -

Ортотуттан ойор күннээх
Ойуһардаах, Ойуһардаах!

Сыһыытыгар сырбаҥнастар
Сыспай сиэллээх сылгылара,
Хонуутугар хотоҥностор
Хороҕоркоон муостаахтара —

Оннук кэрэ көстүүлэрдээх
Ойуһардаах, Ойуһардаах!

Үрдүү турар үүнээйилээх,
Үлэлииргэ дэлэй сирдээх,
Үчүгэйкээн бэйэлээх
Үйэтийбит үгэстэрдээх —

Ортотуттан ойор күннээх
Ойуһардаах, Ойуһардаах!