ХОДУҺАҔА КҮӨХ СИРЭМ Печать    
Петр Тобуруокап тыллара

Ходуһаҕа күөх сирэм
Будьуруйа долгуҥнуур,
Куударалаах үөл иирэ
Наҕылыччы суһумнуур.

Саха кыыһа туллуктуур
Сылайбакка да оттуур

Кулууп дьиэҕэ киэҥ түннүк
Чаҕылыйа тырымныыр,
Баян өрө кетүөхтүүр
Дорҕооннору сыыйталыыр.

Саха кыыһа лаглардыыр
Үчүгэйдик да ыллыыр.

Түүҥҥү ыйбыт халлааҥҥа
Төгүрүйэ устубут,
Күөлбүт туман суорҕаҥҥа
Саһан таалан утуйбут.

Саха кыыһа далбарай
Тоҕо суолга хаамарый?

Иһириккэ чыычаахтар
Иһийбитэ буолаллар,
Сибэккилэр чуҥнааннар
Иһиллэһэ сатыыллар.

Саха кыыһа хаамар-хаамар
Кими эрэ күүтэр, ахтар.



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).