БАСТЫҤ, СЭМЭЙ МАЙГЫБЫНАН Печать    
Егор Лаптев тыллара

Бастыҥ, сэмэй майгыбынан,
Билиим-көрүүм бэрдинэн,
Үлэм-сырыым кыайыытынан
Удаарынньык буоллум мин.

Оройуонум үрдүнэн
Ордон-биллэн хааламмын,
Уолан хоһуун уолаттар
Умсугуйар буоллулар.

Аттыбыттан арахпаттар
Арааһынай эрэттэр,
Атас-доҕор буол диэннэр
Ааттаһаллар кинилэр.

Хаарыан, сорох уолаттарга
Хара мэҥнэр, алҕастар
Аны күҥҥэ диэри, мэлдьи
Аргыстаһан сылдьаллар.

Арадьыыһын өттүнэн
Аатырааччы Испирдиэн
Арыгы иһэн, итирэн
Иэдэйэрэ элбэҕиэн!

Дьүһүнүнэн үчүгэйкээн
Дьикти киһи Дьөгүөр баар,
Кыыстан кыыска сүүрэлээн
Кистээн кини таптаһар.

Вася, Вася барахсан
Булчутунан сөхтөрөр,
Кэскиллээхтик билсиэхпин
Киһиргэһэ кэлэтэр.

Аттыбыттан арахпат
Атастарбар этэбин —
Алҕаһыттан ким урут
Арахпыты таптыам мин!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).