ОЙУҺАРДААХ ЭБЭКЭМ Печать    
Егор Лаптев тыллара

Арыы, сүөгэй сүүрүгүрэр
Айгыр-силик айылҕалаах,
Балык сэмсиир, көтөр сүүрэр
Дьэрэлийэр дэлэй уулаах -

Ортотуттан ойор күннээх
Ойуһардаах, Ойуһардаах!

Сыһыытыгар сырбаҥнастар
Сыспай сиэллээх сылгылара,
Хонуутугар хотоҥностор
Хороҕоркоон муостаахтара —

Оннук кэрэ көстүүлэрдээх
Ойуһардаах, Ойуһардаах!

Үрдүү турар үүнээйилээх,
Үлэлииргэ дэлэй сирдээх,
Үчүгэйкээн бэйэлээх
Үйэтийбит үгэстэрдээх —

Ортотуттан ойор күннээх
Ойуһардаах, Ойуһардаах!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).