Саха радиотын 80 сыла!

«Болҕойуҥ, саҥарар Дьокуускай!» диэн 1930 сыл сэтинньи 7 күнүгэр бүтүн Саха Сирин үрдүнэн ньиргийбитэ. Бу күн историяҕа Саха радиота төрүттэммит күнүнэн ааттаныаҕа. 80 сыл устата Саха радиота сайдыы элбэх кэрдиистэрин ааста. Сахабыт Сирин олохтоохторо республика араас хабааннаах сонуннарын истэн-билэн кэллилэр уонна өссө да истиэхтэрэ турдаҕа.

Быйылгы үбүлүөйдээх сылга Саха радиотыгар FM форматка үлэлиир саҥа Музыкальнай канал аһылынна.

Ахсынньы 12 күнүгэр Саха радиота бэйэтин үбүлүөйүгэр анаан «Ырыа долгунугар уйдаран» диэн улахан бырааһынньыктааҕы кэнсиэригэр ыҥырар.

Бу күн Опера уонна Балет театрыгар Саха радиотын эҕэрдэлээн кыттыыны ылыахтара Марина Попова-Эдьиий Марыына, Раиса Захарова, Владимир Заболоцкий, Степан Васильев, Владимир Индигирскэй, Аскалон Павлов, Байбал Сэмэнэп, Анастасия Готовцева, Саарын, Далаана, Александр Бурнашов, Күннэй, Игорь Егоров, Ника, Анатолий Бурнашев, Ый Кыыһа, Лэгэнтэй, Олимпия, Василий Еремеев, Юлиана, Геннадий Семенов - Урааҥхай, Сиэйэ Уола, «Кофе» дуэт, Эрчим, Ирена и Розалина Файрушиналар, Сахамин, Ыра Чаҕаан, Айгылаан, үҥкүү коллективтара.

Бу киэһэ Омук Уолун тылларыгар, Лэгэнтэй музыкатыгар Саха радиотын гимнэ сүрэхтэниэ. Дьоро киэһэни Саха радиотын эдэр ыытааччылара иилээн-саҕалаан ыытыахтара.

Туруорааччы режиссер — Анджела Качановская

Билиэт Опера уонна Балет театрын кассатыгар атыыланар

Билсэр телефон 36-06-90