Ырыа кырдала > Сонуннар > "Табык" буолар
"Табык" буолар22 ноября 2010, 01:54. |
Ахсынньы 2-4 күннэригэр Дьокуускай куорат дьаһалтата «Табык-2010» этническэй муусука бэстибээлин тэрийэр. Манна аныгы тыыннаах доҕуһуоллаах этническэй муусуканан дьарыктанар идэтийбит да, идэтийбэтэх да кэлэктииптэр, биирдиилээн дьон кыттыахтарын сөп. Бэстибээл кэмигэр араас быыстапка, маастар-кылаас тэриллэр, Арт-кулууп, айар лабораториялар, пресс-киин үлэлииллэр.
Куонкурус көрүүтэ сэтинньи 30, ахсынньы 1 күннэригэр «Туймаада» ансаамбыл кэнсиэрдиир саалатыгар буолар. Ахсынньы 2-4 күннэригэр «Сэргэлээх уоттара» Култуура киинигэр номинаннар, ыалдьыттар, урукку сыллардааҕы кыайыылаахтар кэнсиэрдэрэ тэриллэр. Эспиэрдэр сүбэлэрэ хас да хайысхаҕа кыайыылаахтары быһаарыаҕа. Сайаапканы сэтинньи 27 күнүгэр диэри ылаллар. Сиһилии Дьокуускай к. дьаһалтатын Култуураҕа уонна духуобунай сайдыыга салаатыттан ыйыталаһыҥ.
Аадырыһа: Дьокуускай к., Ленин бэр. 15, 521 хос., төл.: (4112) 42-13-71.
Кыым - Информационное агентство
« Төттөрү |