Ырыа кырдала > Сонуннар > Аһымал санаа кэнсиэрэ
Аһымал санаа кэнсиэрэ24 февраля 2010, 22:26. |
Инбэлиит устудьуоннар өрөспүүбүлүкэтээҕи түмсүүлэрин уонна Дьокуускай куораттааҕы көрбөт дьон уопсастыбаларын көҕүлээһиннэринэн, СГУ, "Дьокуускай куорат" МТ социальнай көмүскэл, култуура, духуобунай сайдыы уонна ыччат, дьиэ кэргэн управлениеларын быһаччы кыттыыларынан, бу дьыл олунньу 27 күнүгэр "Ыллыыр сүрэхтэр" аһымал аахсыйа кэнсиэрэ ыытыллар. Тэрээһин Аҕа дойду Улуу кыайыытын 65 сыллаах үбүлүөйүгэр уонна быйылгы Учуутал сылыгар туһуланар. Буолар сирэ - СГУ "Сэргэлээх уоттара" Култуура киинэ. Күнүс 15 ч. саҕаланар. Саха эстрадатын сулустара кыттыыны ылыахтара. Билиэт сыаната 200 солк Тэрээһин сыала-соруга - көрбөт ырыаһыттар, ырыа суруйааччылар айар талааннарын киэҥ араҥаҕа таһаарыы. Киирбит үбү быйыл үөрэхтэрин бүтэрэр көрбөт устудьуоннарга, бэтэрээн учууталларга биэриэхтэрэ. Кэлиҥ, сэргээҥ, үтүө дьыалаҕа көмөлөһүҥ. "Кыым" хаһыаттан « Төттөрү |