Эҕэрдэлиибит!

Бэҕэһээ, муус устар 11 күнүгэр, "Чароит" музыкальнай салоҥҥа Саха эстрадатын ырыаһыта Александр Дьячковскай - Саарын уонна кини тапталлааҕа Мира Местникова уруу тэрийэр дьоро киэһэлэрэ буолбут.  

Эдэрдэргэ ыал буолбут ытык-мааны күҥҥүтүнэн, кэскил тэринэр кэрэ киэһэҕитинэн эҕэрдэ буолуохтун!

Сайаҕас санаалаах,

Саргылаах олохтоох

Саханы саха дэтэр

Ытык-мааны ыал буолуҥ!

Олоруҥ дьоллоохтук

Оҕолонон, ыччаттанан,

Адьас биир киһи курдук

Арахсыспат дууһаланан!

Эйэҕэс мичээргитин

Этиһии энчирэппэтин,

Арылхай халлааҥҥытын

Араллаан хаарыйбатын!

Тыл-тылгытын ытыктаан,

Саҥа-саҥаҕытын харыстаан,

Сүүс сүүскүтүттэн өйөһөн

Сүбэнэн-аманан сылдьыҥ!

Арахсыбат аналлаах,

Итээбэт иэйиилээх ,

Уостубат уйгулаах

Бигэ-таҕа тирэхтээх,

Алгыс курдук олохтоох,

Айхаллаах-маанылаах

Ыал бастыҥа аатырыҥ!

Саха саргытын салҕааҥ, өбүгэ үгэһин үксэтиҥ, алаһа дьиэлэнэн, аал уоттанан унаар буруоҕут субуруйдун, төрөтөр оҕоҕут төлкөлөннүн! 

 

Дом!



ЫРЫА КЫРДАЛА