XIX Манчаары оонньууларынан! Боотурускай улус 375 сылынан!
Сомоҕолуур, түмэ тардар – дойдум миэнэ – Чурапчым!
Хатыҥнардаах, чараҥнардаах, үтүө үлэһит дьоннордоох, үөрэҕи-билиини өрө туппут сэргэх сэһэннээх, бөҕөс, быһый, чулуу ыччаттаах Чурапчыга быйыл сайын «XIX Манчаары оонньуулара» уонна Боотурускай улус 375 сылын бэлиэтиир ыһыах ыытылларынан, бу үрдүк тэрээһиннэргэ дойдубутугар, улууспутугар көмөлөһөр соруктаах, Дьокуускай куораттааҕы
«ЧУРАПЧЫ» түмсүү көҕүлээһининэн,
«ТРИУМФ» спортивнай комплекска

МУУС УСТАР 12 КҮНҮГЭР киэһэ 19 чаастан

биир дойдулаахтар көрсүһэр, ирэ-хоро сэһэргэһэр, ырыа-тойук, сынньалаҥ дьоро киэһэтэ ыытыллар. Атыы-тутуу, аукцион, лотерея, биир дойдулаахтарбыт – талааннаах модельердар айымньыларын көрдөрүү, норуот маастардарын быыстапката, фотовыставка о.д.а. интэриэһинэй, чаҕылхай тэрээһиннэр, үтүө түгэннэр эһигини күүтэллэр.
Чурапчыттан төрүттээх айар куттаах дьоммут, талба талааннаах ырыаһыттарбыт, артыыстарбыт: ДАЛААНА, ЫЙ КЫЫҺА, СААРЫН, ЧЫСКЫЫРАЙ, Анастасия ГОТОВЦЕВА, Аграфена КУЗЬМИНА, Екатерина, Алексей ЕГОРОВТАР, ӨРКӨН, ХАРЫСХАН, КҮННЭЙ, САХАМИН, Юлия ХУДАЕВА, Рустам ХОН, Матрена, Алексей ПАВЛОВТАР, Татьяна АНДРОСОВА, Татьяна СЕРГУЧЕВА, Николай ПОПОВ, Александр КУЗЬМИН, кынаттаах үҥкүүһүттэрбит: Дария ДМИТРИЕВА, Дмитрий АРТЕМЬЕВ, Ренат ХОН, кэскиллээх ыччаттарбыт – Музыка үрдүкү оскуолатын, Аксинья, Наталья ПОСЕЛЬСКАЙАЛАР ааттарынан хореографическай училище уонна СР Государственнай филармониятын духовой оркестрын коллективтара, уо.д.а. бу кэнсиэргэ кыттыыны ылыахтара.

Бу тэрээһинтэн, кэнсиэртэн киирбит үп барыта «XIX МАНЧААРЫ ООННЬУУЛАРА» спорт национальнай көрүҥнэригэр спартакиаданы өйүүр фондаҕа киллэриллэр.

Аҕа саастаах биир дойдулаахтарбытын тэрээһиннэр кэннэ дьиэлэригэр автобустар таһыахтара.

Күндү биир дойдулаахтарбыт, Дьокуускай куорат, Республика бары олохтоохторо, «Дьон өйө-санаата – Чолбон сулус сырдыга!», «Норуот күүһэ – көмүөл күүһэ!»
КЭЛИҤ, СЫЛДЬЫҤ, КЫТТЫЫНЫ ЫЛЫҤ, СҮБЭ-СОРГУ БУОЛУҤ!

Киирии билиэт сыаната 300 солкуобай
Атыыланар сирэ: «ТРИУМФ» комплекс уонна КИИН к/театр каассаларыгар
уонна нэһилиэктэр землячестволарынан.