| БАЙБАЛ СЭМЭНЭП - «Сүрэхпэр ТЫЫН туолар, Ырыабар ТЫЛ туолар» |
| 24 февраля 2011, 18:09 | Көрдүлэр: 2413 | Сонуннар |  |
 Сүрэхпэр ТЫЫН туолар – Байбал Сэмэнэп төлөннөөх сүрэҕин сылааһын, амарах дууһатын сыдьаайын бар дьонугар бэлэхтиир; Ырыабар ТЫЛ туолар – тыл сүдү күүһүн өрө туппут Уйбаан Арбита үйэлээх айымньыларын Байбал эһиэхэ утары уунар. Кулун тутар 7 уонна 8 күннэригэр, Былатыан Ойуунускай аатынан Саха театрыгар киэһэ 5 уонна 8 чаастан «Этигэн Хомус» бириэмийэ 5 төгүллээх кыайыылааҕа, кыһыл көмүс «Этигэн Хомус» хаһаайына, Саха сирин үтүөлээх артыыһа БАЙБАЛ СЭМЭНЭП «Сүрэхпэр ТЫЫН туолар, Ырыабар ТЫЛ туолар» диэн түһүлгэтигэр ыҥырар. Бу киэһэ Уйбаан Арбита хоһоонноругар айыллыбыт саҥа ырыалары, Байбал бар дьоҥҥо сөбүлэппит, биһирэппит урукку-хойукку ырыаларын дуоһуйа истиэххит. Саха театрын артыыстара Роман Дорофеев, Ылдьаа Стручков, Бүөтүр Макаров, Миитэрэй Татаринов Арбита хоһооннорун ааҕыахтара, ааттаах-суоллаах «Дапсы» бөлөх доҕуһуоллуоҕа, Хатылаевтар «Тэтим» бөлөхтөрүгэр оонньуохтара – Проня Хойутаанап, Саша Максимов уонна Байбал уола Аскалон Семенов. Дьоро киэһэ тутулун, хаамыытын таҥна Саха театрын сүрүн режиссера Руслан Тараховскай. Кэлиҥ, сэргээҥ, сэргэхсийиҥ! Билиэт Саха театрын кассатыгар атыыланар. Билсэр төлөпүөҥҥүт: 34-13-31, 8 914 109 59 11. |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (0)
